မိုးတွင်းကာလကို ရောက်ရှိပြီး တိုင်းဒေသကြီးနဲ့ ပြည်နယ် အချို့မှာရေကြီးတာတွေ ဖြစ်ပေါ်နေပေမယ့် ဘုရင့်နောင် ကုန်စည်ဒိုင်ကို ဝင်လာတဲ့ ကြက်သွန်နီဈေးကွက် မှာ ဈေးတက်လာခြင်း မရှိပဲ ပုံမှန်ရောင်းချနေရတယ်လို့ သိရပါတယ်။ 

မေလအစပိုင်းမှာတော့ ကြက်သွန်နီ ဝင်ရောက်တာ ပုံမှန်ရှိခဲ့ပေမယ့် မိုးရာသီကာလရောက်ရှိနေပြီ  ဖြစ်တဲ့ အတွက် ရိတ်သိမ်းထားရှိ်ထားတဲ့ ကြက်သွန်နီတွေပိုမိုဝင်ရောက်လာသော်လည်း ဈေးနှုန်း အတက်အကျမရှိပဲ ပုံမှန်အတိုင်း ရောင်းရတယ်လို့ မြန်မာနိုင်ငံကြက်သွန်နီိ၊ကြက်သွန်ဖြူနှင့် စားဖိုချောင် သီးနှံစိုက်ပျိုး ထုတ်လုပ်တင်ပို့ရောင်းချသူများ အသင်းမှ သိရပါတယ်။ 

ရေကြီးတာတွေ ဖြစ်ပေါ်ခဲ့တာကြောင့် ကုန်စည်တင်ပို့မှုအခြေအနေသာ နှေးကွေးနောက်ကျနေခဲ့ရပြီး အရောင်းအ၀ယ်ကတော့ပုံမှန်အတိုင်းရှိနေပါတယ်။ လက်ရှိမှာတော့ ကြက်သွန်နီ ဈေးနှုန်းကတော့ လက်ချောစကို (၅၂၅ )ကျပ် လက်သန့်လက်ကြီးစကို (၆၀၀)ကျပ်နဲ့ ရှယ်ကြီးစကို  (၅၅၀) ကျပ်နဲ့ ရောင်းချပေးနေရတယ်လို့ သိရပါတယ်။ 

မိုးတွင်းကာလရောက်တိုင်းအရောင်းအ၀ယ်လျော့ကျလေ့ရှိပြီး ယခုနှစ်မိုးတွင်းကာလကတော့ ပုံမှန် အရောင်းအဝယ်ဖြစ်နေတယ်လို့ သိရပါတယ်။ ဘုရင့်နောင်ကုန်စည်ဒိုင်ကို အရင်ကကြက်သွန်ကားအစီးရေ (၂၅)စီး၊ အစီး (၃၀)၀င်ရောက်ပေမယ့် ဇွန်လ (၄)ရက်မှာတော့ ကြက်သွန်ကား (၄၇)စီးဝင်ရောက်ခဲ့တယ်လို့ သိရပါတယ်။

 

 

 

 

Related News