၂၀၃၀ပြည့်နှစ်အရောက်မှာ မြန်မာတစ်နိုင်ငံလုံးအနေနဲ့ တစ်ရက်ကို  ခရီးသွားတစ်သန်းဟာ တစ်မြို့ကနေ တစ်မြို့ကို ခရီးသွားလာကြမယ်လို့ မေလ၁၅ရက်က နေပြည်တော် မှာရှိတဲ့ ပြန်ကြားရေးဝန်ကြီးဌာနရုံးမှာပြုလုပ်ခဲ့တဲ့ နိုင်ငံတော်အစိုးရ၏  ဒုတိယတစ်နှစ်တာကာလအတွင်း ဆောင်ရွက်ခဲ့မှုတွေနဲ့ ပတ်သက်တဲ့ သတင်းစာရှင်းလင်းပွဲမှာ ဆောက်လုပ်ရေးဝန်ကြီးဌာနရဲ့ ဆောင်ရွက်ခဲ့မှုတွေကို  ရှင်းလင်းစဉ် တာဝန်ရှိသူက ပြောကြားပါတယ်။၂၀၃၀ပြည့်နှစ်အရောက်မှာ တစ်ရက်လျှင် ခရီးသွားတစ်သန်းနဲ့အတူ ကုန်စည်တန်၃သန်းကျော် ကိုလဲ နေ့စဉ်ပို့ဆောင်နေရမယ်လို့ ခန့်မှန်းထားကြောင်းသိရပါတယ်။

အဲဒီခရီးသွားတစ်သန်းနဲ့ ကုန်စည်တန်၃သန်း ကျော်ရဲ့၈၀ရာခိုင်နှုန်းဟာ ကုန်းလမ်းနဲ့ သွားလာကြမှာ ဖြစ်လို့ မော်တော်ယာဉ် တွေကိုသာ အသုံးပြုကြမယ်လို့ ဆောက်လုပ်ရေး ၀န်ကြီးဌာ ဒုတိယ၀န်ကြီး ဦးကျော်လင်း ကပြောပါတယ်။ မြန်မာနိုင်ငံအနေနဲ့ ၂၀၁၄ခုနှစ်က JICAရဲ့ကောက်ယူခဲ့တဲ့ စစ်တမ်းတွေအရ တစ်နိုင်ငံလုံးအနေဖြင့် တစ်ရက်လျှင် ခရီးသည်၃သိန်းဟာ တစ်မြို့ကနေတစ်မြို့ကို သွားလာနေပြီး ကုန်စည်တန်ချိန် ၉သိန်းကျော်ဟာ နေ့စဉ် ပို့ဆောင်ပေးနေ တယ်လို့ သိရပါတယ်။ အဲဒီလိုသွားလာနေတဲ့ ခရီးသည်၃သိန်း အနက် ၈၁ရာခိုင်နှုန်းဟာ မော်တော်ကားလမ်းကို အသုံးပြုနေပြီးကျန်၁၉ရာခိုင်နှုန်းဟာ မီးရထားလမ်း၊ ရေလမ်းနဲ့ လေကြောင်းလမ်းတွေကိုအသုံးပြုနေတယ်လို့ သိရပါတယ်။

 

 

Related News