ပြန်ကြားရေးဝန်ကြီးဌာန၊ သတင်းနှင့်စာနယ်ဇင်းလုပ်ငန်းက ပုံနှိပ်စက်အသစ်ကို မေလ(၈)ရက်က မြန်မာ့အလင်း သတင်းစာတိုက်မှာ ဖွင့်လှစ်ခဲ့ပါတယ်။ပုံနှိပ်စက်အသစ်ကို ပြန်ကြားရေးဝန်ကြီးဌာန၊ ပြည်ထောင်စုဝန်ကြီးဒေါက်တာဖေဖြင့်၊ ရန်ကုန်တိုင်းဒေသကြီး ၀န်ကြီးချုပ်ဦးဖြိုးမင်းသိန်း၊ သတင်းနှင့်စာနယ်ဇင်းလုပ်ငန်း၊ ဦးဆောင် ညွှန်ကြားရေးမှူး ဦးကျော်စိုးနဲ့ သက်ဆိုင်ရာတာဝန်ရှိသူတွေက စက်ခလုတ်နှိပ်ဖွင့်လှစ်ပေးခဲ့တာ ဖြစ်ပါတယ်။

အခုဖွင့်လှစ်တဲ့ ပုံနှိပ်စက်သစ်ဟာGoss Community 4-High Tower Four Unit Web Offset  အမျိုးအစားဖြစ်ပြီး တရုတ်နိုင်ငံထုတ်စက်ဖြစ်တယ်လို့ သိရပါတယ်။ဒီစက်လည်ပတ်ပုံအရ စာမျက်နှာ(၃၂) မျက်နှာကို တစ်ခါထဲရိုက်နှိပ်နိုင်တယ်လို့ သိရပါတယ်။

အရင်ကပုံနှိပ်စက်တွေမှာ စာမျက်နှာ(၃၂)မျက်နှာကို နှစ်ခါခွဲရိုက်ရတဲ့အပြင် လူအင်အားအယောက် (၃၀)လောက်အသုံးပြုခဲ့ရပြီး အခုပုံနှိပ်စက်သစ်မှာတော့ လူအင်အားအသုံးပြုစရာမလိုဘူးလို့ သိရပါတယ်။ ပုံနှိပ်စက်အသစ်ကို(၂၀၁၇-၂၀၁၈)ဘဏ္ဍာနှစ်မှာ မြန်မာ့အလင်းသတင်းစာတိုက်၊ သတင်းနှင့် စာနယ်ဇင်းလုပ်ငန်းရဲ့ ဘတ်ဂျက်နဲ့ဝယ်ယူတာဖြစ်ပြီး အမေရိကန်ဒေါ်လာ(၁.၁)သန်း ကုန်ကျတယ်လို့ သိရပါတယ်။ဒီပုံနှိပ်စက်သစ်ကို မေလ(၉)ရက်မှာ  စတင်လည်ပတ်အသုံးပြုမှာ ဖြစ်တယ်လို့ သိရပါတယ်။ 

 

 

Related News