၂၀၁၈ ခုနှစ်ရဲ့ သင်္ကြန်ကာလမတိုင်မီမှာ လက်လီရောင်းချနေတဲ့ကုန်ဈေးနှုန်းဈေးကွက်ဟာ ရောင်းအားကျဆင်းနေတယ်လို့ ကုန်မျိုးစုံရောင်းချနေတဲ့ ဆိုင်ရှင်တွေကပြောပါတယ်။သင်္ကြန်ကာလမတိုင်မီမှာ ကုန်ဈေးနှုန်းဈေးတွေဟာ ကြက်သွန်နီ၊ကြက်သွန်ဖြူ၊အာလူး အစရှိတဲ့ ကုန်ခြောက်ဈေးနှုန်းတွေကတော့ ကျဆင်းနေပြီး ခေါက်ဆွဲခြောက် ငါးသေတ္တာ စတဲ့ စားသောက်ကုန် ဈေးနှုန်းတည်ငြိမ်မှုမရှိပဲ ဈေးတက်လိုက်ကျလိုက် ဖြစ်နေတယ်လို့ ကုန်မျိုးစုံဆိုင် တွေရဲ့ ပိုင်ရှင်တွေကပြောပါတယ်။ ဒီလိုအချို့ကုန်ခြောက်ပစ်္စည်းတွေ အရင်ကထက် (၃)ဆနီးပါး လောက်လောက် ဈေးကျနေပေမယ့်လည်း ပြည်သူတွေဝယ်ယူမှုအနေနဲ့တော့ ၀ယ်ယူမှုနည်းပါး နေသေးတယ်လို့သိရပါတယ်။

ကုန်ခြောက်နှင့် စားသောက်ကုန်မျိုးစုံအရောင်းဆိုင်တွေမှလည်း အရင်နှစ်သင်္ကြန်ကာလ မတိုင်မီမှာ သင်္ကြန်တွင်း အလှူအတန်းတွေပြုလုပ်ဖို့အတွက် စားသောက်ကုန်မျိုးစုံ လာရောက် ၀ယ်ယူမှုတွေရှိနေခဲ့ပြီး အခုနှစ်သင်္ကြန်မတိုင်ခင်မှာတော့ ၀ယ်ယူမှုတွေဟာနည်းပါးလာတယ်လို့ ပြောပါတယ်။ အိမ်ရှင်မတွေအနေနဲ့လည်း ကုန်ပစ္စည်းဝယ်ယူမှုတွေဟာ သင်္ကြန်တွင်းမှာ ဈေးတက်မှာစိုးတာကြောင့် တစ်နိုင်တစ်ပိုင် ကြိုတင်ဝယ်ယူမှုတွေသာပြုလုပ်နေကြတယ်လို့ သိရပါတယ်။

အင်းစိန်ဈေးမှာရောင်းချနေတဲ့ ကုန်မျိုးစုံဆိုင်တွေဟာ သင်္ကြန်ကာလမှာ ပိတ်မှာဖြစ်တာကြောင့် သင်္ကြန်မတိုင်ခင် ၀ယ်နေကျဖောက်သည်တွေလောက်သာအများဆုံးရောင်းချပေးနေရပြီး အရောင်းအ၀ယ်ကတော့ အေးနေတယ်လို့သိရပါတယ်။ ဒါ့အပြင်အချို့ကုန်မျိုးစုံဆိုင်တွေကတော့ သင်္ကြန်တွင်းမှာ ပုံမှန်ဖွင့်လှစ်သွားမှာဖြစ်တယ်လို့သိရပါတယ်။

 

 

Related News