အခုကာလကြက်သွန်နီပေါများတဲ့ရာသီဖြစ်တာကြောင့် ပစ္စည်းဝင်ရောက်မှုများနေပြီး အ၀င်နဲ့ ရောင်းအားမမျှဖြစ်နေတယ်လို့ ဘုရင့်နောင်ကုန်စည်ဒိုင်မှသိရပါတယ်။ဒီနှစ်က ကြက်သွန်နီထွက်အားဟာ အရင်နှစ်ကထက် နှစ်ဆနီးပါးပိုမိုထွက်ရှိလာတာကြောင့် ဘုရင့်နောင်ကုန်စည်ဒိုင်ကို တစ်နေ့ကိုကြက်သွန်နီကုန်ကားအစီးရေ (၅၀)မှ(၆၀)အထိ ပိသာချိန်အားဖြင့် (၄)သိန်းခန့်ထိဝင်ရောက်နေတယ်လို့ သိရပါတယ်။ ကုန်ထွက်အားကို ဒိုင်တွေမှာပြန်ဝယ်အားက မလိုက်နိုင်တာကြောင့်ပစ်္စည်းတွေပုံနေပြီး ဈေးလဲအနည်းငယ်ထပ်ကျလာပါတယ်။ ဧပြီလ (၂)ရက်မှာတော့်တစ်ပိသာကို ကျပ်(၅၀)၀န်းကျင် ထပ်ကျလာတယ်လို့သိရပါတယ်။
 
ကြက်သွန်နီဈေးဟာ ဇန်န၀ါရီလဆန်းကစပြီးယခင်တစ်ပိသာ ကျပ်(၃၅၀၀)ဈေးကနေ တဖြည်းဖြည်းတစ်ရက်ကို ကျပ်(၂၀၀)၊ ကျပ်(၃၀၀) နှုန်းကျဆင်းလာပြီး ဧပြီလ(၂)ရက်ကို ရောက်ရှိချိန်မှာတော့  လက်ကားဈေးမှာမြစ်သားရှယ်အကြီးတစ်ပိသာကို ကျပ်(၁၁၀၀)၊ အလတ်တစ်ပိသာကို ကျပ်(၁၂၀၀)၊အသေးတစ်ပိသာကို ကျပ်(၈၀၀)ထိကျဆင်းလာတယ်လို့ သိရပါတယ်။ ဆိပ်ဖြူ၊မြင်းခြံ၊ပခုက္ကူ ကြက်သွန်နီတွေကတော့ အလုံးအကြီးတစ်ပိသာကို (၇၀၀)ကျပ်နဲ့ လတ်သန့်တစ်ပိသာကို (၆၇၅)ကျပ်နဲ့ အလုံးလတ်ချောတစ်ပိသာကို (၇၀၀)ကျပ်ရှိနေတယ်လို့ ဘုရင့်နောင်ကုန်စည်ဒိုင်မှသိရပါတယ်။ဒီနှစ်သင်္ကြန်ပိတ်ရက်ဟာ(၅) ရက်ပဲဖြစ်တာကြောင့်  အရင်နှစ်လောက်ထိရောင်းအား သိသိသာသာ မကောင်းသေးဘူးလို့ သိရပါတယ်။
 
 
 

Related News