ဧပြီလ ၂ ရက်ကပြုလုပ်တဲ့ ဒုတိယအကြိမ် မန္တလေးတိုင်းဒေသကြီးလွှတ်တော် န၀မပုံမှန်အစည်းအဝေး(စတုတ္ထနေ့)မှာ ချမ်းမြသာစည်မြို့နယ်၊ မဲဆန်္ဒနယ်အမှတ်(၁)၊ တိုင်းဒေသကြီးလွှတ်တော် ကိုယ်စားလှယ် ဦးတင်အောင်က မန္တလေး မြို့တော် နယ်နိမိတ်အတွင်းရှိ စက်သုံးဆီဆိုင်များ၊ နယ်မြို့များ၏ မြို့နယ်နိမိတ်များအတွင်း စက်သုံးဆီဆိုင်များ ဖွင့်လှစ်ရောင်းချခွင့်ပြုပေးရာတွင် သတ်မှတ်စည်းကမ်းချက်များ၌ မျှော်လင့်မထားသောအခြေအနေများ ဖြစ်ပေါ်လာပါက တာဝန်ယူမှု၊ ဆုံးရှုံးမှုများအတွက် တာဝန်ခံမှုများ ပါဝင်ခြင်းရှိ။မရှိ မေးမြန်းခဲ့ပါတယ်။ ဒီမေးမြန်းချက်ကို ပြန်လည်ဖြေကြားချက်အရ မန္တလေးတိုင်းဒေသကြီးအတွင်းမှာ၂၀၁၇-၂၀၁၈ခုနှစ် ဘဏ္ဍာရေးနှစ်အထိထောက်ခံချက်ပေးထားတဲ့စက်သုံးဆီဆိုင်ပေါင်း(၅၇၃)ဆိုင်ရှိတယ်လို့သိရပါတယ်။
 
စက်သုံးဆီဆိုင်များရောင်းချခွင့်လိုင်စင်ကိုလျှပ်စစ်နှင့်စွမ်းအင်ဝန်ကြီးဌာန၊ သိုလှောင်မှုလိုင်စင်ကို သယံဇာတနှင့် သဘာဝပတ်ဝန်းကျင်ထိန်းသိန်းရေးဝန်ကြီးဌာနက ခွင့်ပြုချက်ထုတ်ပေးပါကြောင်း စက်သုံးဆီအရောင်းဆိုင် ဖွင့်ရန်သတ်မှတ်ချက်ပြည့်စုံဖို့လိုအပ်ပြီး သက်ဆိုင်ရာဌာနအသီးသီးရဲ့ ထောက်ခံချက်ကိုရမှဖွင့်လှစ်ခွင့်ရမှာဖြစ်ပါကြောင်း မန္တလေးတိုင်းဒေသကြီးအစိုးရအဖွဲ့လျှပ်စစ်၊ စွမ်းအင်နှင့် ဆောက်လုပ်ရေးဝန်ကြီး ဦးဇာနည်အောင်က ထည့်သွင်းဖြေကြားခဲ့ပါတယ်။ မန္တလေးတိုင်းဒေသကြီးအတွင်းပုဂ်္ဂလိကစက်သုံးဆီဆိုင်တွေမှာ မီးလောင်ကျွမ်းမှုမျိုးမရှိခဲ့ဖူးဘူး လို့လည်း ထည့်သွင်းဖြေကြားခဲ့ပါတယ်။ 
 
 
 

Related News