ရန်ကုန်တိုင်းဒေသကြီးအစိုးရအဖွဲ့အနေနဲ့ ကုန်စိမ်းတွေပါပြည်ပတင်ပို့နိုင်ဖို့နဲ့ နိုင်ငံတကာကိုကုန်စည် စီးဆင်းနိုင်ဖို့ ပင်လယ်ဝဆိပ်ကမ်းသစ်ကို  မကြာခင်ဆောင်ရွက်နိုင်အောင် ကြိုးပမ်းလုပ်ဆောင်နေတယ်လို့ သိရပါတယ်။ ရန်ကုန်ဟာပင်လယ်ဆိပ်ကမ်းမြို့ဖြစ်သလို ပြည်တွင်းအတွက်သာမဟုတ်ဘဲ ရန်ကုန်ကိုအခြေပြုပြီး အိမ်နီးချင်းနိုင်ငံ တွေနဲ့နိုင်ငံတကာကိုပင်လယ်ရေကြောင်းနဲ့စီးဆင်းစေဖို့ ပင်လယ်ဝဘက်မှာ ဆိပ်ကမ်း တိုးမြှင့်လုပ်ဆောင်သွားမှာ ဖြစ်တယ်လို့ ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်းကပြောပါတယ်။
 
ဒါ့ပြင် မြို့တွင်းဆိပ်ကမ်းတွေ အများစုကတော့ ပြည်တွင်းဆိပ်ကမ်းတွေဖြစ်လာတဲ့အတွက် ပင်လယ်ဝဘက်ကို တိုးမြှင့်ဆောင်ရွက်ရမှာဖြစ်သလို လက်ရှိမှာ သီလ၀ါဆိပ်ကမ်းဟာ အရှိန်ရလာပြီဖြစ်တယ်လို့လည်းဆိုပါတယ်။ ရန်ကုန်ပင်လယ်ဝဘက်မှာဆိပ်ကမ်းသစ်တည်ဆောက်နိုင်ဖို့ ကျွမ်းကျင်တဲ့နိုင်ငံတကာပညာရှင်တွေနဲ့ လေ့လာပြီး မကြာခင်ဆောင်ရွက်နိုင်ဖို့ ကြိုးပမ်းနေတယ်လို့ ပြောကြားခဲ့တာပါ။ ဒီဆိပ်ကမ်းတွေကနေ ကုန်စည်စီးဆင်းမှုကို စနစ်တကျဆောင်ရွက်နိုင်မယ်ဆို နိုင်ငံ့အတွက် အကျိုးအမြတ်များစွာ ရရှိနိုင်တယ်လို့လည်း ဆိုပါတယ်။
 
ရန်ကုန်ဟာ ကုန်စည်စီးဆင်းနိုင်တဲ့ရေဆိပ်၊လေဆိပ်တွေရှိလို့ နိုင်ငံတကာကို လွယ်ကူစွာကုန်စည်တင်ပို့နိုင်ပြီး ကုန်စိမ်းတွေကို တကယ့်အအေးခန်းတွေနဲ့ သိုလှောင်ရုံတွေ အဆင့်သင့် မဖြစ်သေးရင်တောင် ရန်ကုန်ကနေ အမြန်ဆုံး တင်ပို့နိုင်တယ်လို့လည်း ၀န်ကြီးချုပ်က ပြောပါတယ်။ ဒါ့ပြင်သစ်သီးဝလံနဲ့ ဟင်းသီးဟင်းရွက်တွေစိုက်ပျိုးမယ်ဆိုရင်အမြန်ဆုံး တင်ပို့နိုင်ပြီးတွက်ခြေကိုက်တဲ့ သီးနှံတွေကို ပြောင်းလဲစိုက်ပျိုးစေဖို့ လက်ရှိမှာ ပြင်ဆင်ဆောင်ရွက်နေတယ်လို့ ဆိုပါတယ်။ ဒါ့ကြောင့် ရန်ကုန်တိုင်းဒေသကြီးအတွက်  စိုက်ပျိုးရေး (Master Plan) တစ်ခုပြုစုထားပြီးဖြစ်ပြီး ပြည်ထောင်စုနဲ့ ပေါင်းစပ်ညှိနှိုင်းကာ စိုက်ပျိုးရေးကဏ္ဍကို ဖွံဖြိုးတိုးတက်အောင်လုပ်ဆောင်နေတယ်လို့လည်း ဆိုပါတယ်။
 
ရန်ကုန်တိုင်းဒေသကြီးအတွက် စိုက်ပျိုးရေး(Master Plan)ရေးဆွဲရာမှာ ကုန်သည်စက်မှု အသင်းချုပ်၊ ဆန်းစပါးအသင်းနဲ့ ပညာရှင်တွေက ကူညီပေးထားပြီး ပြီးခဲ့တဲ့ မေ(၃၀)ရက်က တိုင်းဒေသကြီးလွှတ်တော်ကို တင်ပြထားတာလည်းဖြစ်ပါတယ်။ လက်ရှိရန်ကုန်မြို့တွင်း ဆိပ်ကမ်းတွေဟာ ကိုလိုနီခေတ်ကဆိပ်ကမ်းတွေကိုသာ အသုံးပြုနေကြရတာဖြစ်ပြီး နိုင်ငံတွင်းဆိပ်ကမ်း (၉)ခုအနက်ရန်ကုန်က ဖွံ့ဖြိုးတိုးတက်ဆုံးဖြစ်သလို နိုင်ငံရဲ့ကုန်စည် (၉၀)ရာခိုင်နှုန်းခန့်ဟာ ရန်ကုန်ဆိပ်ကမ်းတွေက ကုန်စည်စီးဆင်းနေတာဖြစ်တယ်လို့သိရပါတယ်။
 
 
 

Related News