တိုင်းဒေသကြီးအစိုးရက ရန်ကုန်မြစ်ဝမှာ ရေနက်ဆိပ်ကမ်း တည်ဆောက်ဖို့ လေ့လာမှုတွေ ပြုလုပ်နေပြီး မြန်မာနိုင်ငံ ကုန်သေတ္တာတင်မော်တော်ယာဉ်အသင်းကလည်း အများပိုင်ပုံစံပြောင်းလဲပြီး ကုန်လမ်းရေလမ်းတို့နှင့် ကုန်သေတ္တာသယ်ယူပို့ဆောင်ရေးအတွက် ၀န်ဆောင်မှုပေးနိုင်ဖို့ ဆောင်ရွက် သွားမယ်လို့  ကုန်သေတ္တာတင် ၀န်ဆောင်မှုအသင်းရဲ့ တာဝန်ရှိသူတွေက အသင်းရဲ့ ငါးကြိမ်မြောက် နှစ်ပတ်လည်အသင်းသား စုံညီအစည်းအဝေးမှာ ပြောပါတယ်။ရန်ကုန်မြို့ တာမွေမြို့နယ်Sky Star Hotelမှာ ဧပြီလ တစ်ရက်က နှစ်ပတ်လည် အသင်းသားစုံညီ အစည်းဝေးကို ပြုလုပ်ခဲ့တာ ဖြစ်ပါတယ်။ အခုအစည်းအဝေးကိုတော့ ရန်ကုန်တိုင်း ဒေသကြီးအစိုးရအဖွဲ့ စီမံကိန်းနဲ့ဘဏ္ဍာရေးဝန်ကြီး ဦးမြင့်သောင်း နဲ့တိုင်းဒေသကြိးအစိုးရအဖွဲ့ဝင်တွေ၊ ကုန်သည်စက်မှုအသင်းချုပ်(UMFCCI) နဲ့ ညီနောင်အသင်းအဖွဲ့တွေ၊ ကုန်သေတ္တာတင် မော်တော်ယာဉ်အသင်းက တာဝန်ရှိသူတွေတက်ရောက်ခဲ့ပါတယ်။

လက်ရှိမှာ တိုင်းဒေသကြီးအစိုးရအနေနဲ့ ရန်ကုန်တောင်ပိုင်းမြစ်ဝမှာ ရေနက်ဆိပ်ကမ်း တည်ဆောက်ဖို့ ဖြစ်နိုင်ချေ လေ့လာတာတွေပြုလုပ်နေပြီး အဲ့ဒီ့စီမံကိန်းအကောင်အထည်ပေါ်လာပါက ကုန်သေတ္တာသယ်ယူ ပို့ဆောင် ရေးအတွက် ကုန်လမ်းအပြင် ရေလမ်းကိုပါ ထည့်သွင်းစဉ်းစားဖို့ တိုင်းဒေသကြီးအစိုးရအဖွဲ့ စီမံကိန်းနှင့်ဘဏ္ဍာရေး ၀န်ကြီး ဦးမြင့်သောင်း ကပြောပါတယ်။ရေရှည်အတွက် မြန်မာနိုင်ငံ ကုန်သေတ္တာတင်မော်ယာဉ်အသင်းကို  လက်ရှိအစုအဖွဲ့ပုံစံကနေ အများပိုင်ပုံစံ ပြောင်းလဲပြီး ကုန်းလမ်းကော ရေလမ်းဖြင့်ပါ ကုန်သေတ္တာသယ်ယူပို့ဆောင်ရေး ၀န်ဆောင်မှုပေးနိုင်ဖို့ ဆောင်ရွက်သွားမှာဖြစ်ပြီး အဲ့ဒီ့ရည်ရွယ်ချက်ကို အထောက်အကူပြုနိုင်ဖို့ လက်ရှိမှာ မြန်မာနိုင်ငံသယ်ယူပို့ဆောင်ရေးနဲ့ ထောက်ပံ့ဖြည့်ဆည်း စီမံဆောင်ရွက်မှု အသင်းချုပ်ကိုလည်း ဖွဲ့စည်းထားတယ်လို့သိရပါတယ်။မြန်မာနိုင်ငံ ကုန်သေတ္တာတင်မော်တော်ယာဉ်အသင်းကိုတော့ ၂၀၀၉ခုနှစ်က စတင်ဖွဲ့စည်းခဲ့တာ ဖြစ်ပြီး ၂၀၁၂ခုနှစ်မှာ တရားဖွဲ့စည်းခွင့်ရရှိခဲ့တာဖြစ်ပါတယ်။အသင်းစတင်ဖွဲ့စည်းချိန်က အဖွဲ့ဝင် ဂိတ်ပေါင်း (၂၅)ဂိတ်နဲ့ ကုန်သေတ္တာတင်ယာဉ် အစီး(၅၀၀)သာရှိခဲ့ရာက လက်ရှိမှာ ဂိတ်ပေါင်း (၇၆)ဂိတ်နဲ့ အဖွဲ့ဝင် ကုန်သေတ္တာ တင်ယာဉ်ပေါင်း အစီး(၂၅၀၀)ကျော်ရှိနေပြီလို့သိရပါတယ်။

 

 

 

Related News