အသေးစားနှင့် အလတ်စားလုပ်ငန်း (SME)များ ဖွံ့ဖြိုးတိုးတက်ရေးအတွက် အကြွေးအာမခံ စနစ်ကို သီးသန့်ရောင်းချနိုင်မယ့် အဖွဲ့အစည်းပေါ်ပေါက်လာဖို့လိုအပ်တယ်လို့ ဧပြီလ (၁)ရက်ကUMFCCIမှာပြုလုပ်တဲ့SME Financing Landscape in Myanmar ဆွေးနွေးဟောပြောပွဲမှ သိရပါတယ်။ အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်နိုင်ဖို့အတွက် ဘဏ္ဍာငွေရရှိနိုင်မှု ဟာလည်း စိန်ခေါ်မှုတစ်ရပ်ဖြစ်နေပြီး စာရင်းထိန်းသိမ်းမှုအားနည်းခြင်း၊စာရင်းတွေကို တစ်စုံထက်ပို ထားခြင်း၊ လုပ်ငန်းအကြောင်းကို ဖော်ပြမှုနည်းပါးခြင်း၊စီးပွားရေး Plan အားနည်းခြင်း၊ စီးပွားရေး လုပ်ကိုင်နိုင်ဖို့ ပုံသေပိုင်ပစ္စည်းမရှိခြင်းစတဲ့ အချက်တွေကြောင့် ဘဏ္ဍာငွေရရှိနိုင်ဖို့အတွက် အခက်အခဲတွေနဲ့ ကြုံတွေ့နေရတယ်လို့ သိရပါတယ်။ ပုံသေပစ္စည်းပိုင်ဆိုင်မှုမရှိခြင်း ဆိုတဲ့အချက်ကလွဲပြီး ကျန်အချက် လေးချက်ကို ဘဏ္ဍာရေး အသိပညာကိုလေ့လာခြင်းဖြင့်ဖြေရှင်းနိုင်ပေမယ့် ပုံသေပစ္စည်းပိုင်ဆိုင်မှု မရှိတာတွေကိုတော့ အကြွေးအာမခံ စနစ်ထားရှိပြီး ငွေထုတ်ချေုးခြင်းဖြင့် ဖြေရှင်းနိုင်တာကြောင့် အကြွေးအာမခံကို သီးသန့်ရောင်းချနိုင်မယ့် အဖွဲ့အစည်းတစ်ခု ပေါ်ပေါက်လာဖို့ လုပ်ဆောင်သင့်တယ်လို့ ဆွေးနွေးကြပါတယ်။

အကြွေးအာမခံကိုရောင်းချပေးနိုင်မယ့် သီးသန့်အဖွဲ့အစည်းတည်ထောင်နိုင်ဖို့ကတော့ ဘဏ္ဍာရေးအခြေအနေ အရအခက်အခဲရှိနေတာကြောင့် လက်ရှိမှာတော့မြန်မာနိုင်ငံမှာ မြန်မာ့အာမခံ လုပ်ငန်းတစ်ခုတည်းကသာ ရောင်းချပေး နေတယ်လို့သိရပါတယ်။ အသေးစားနှင့် အလတ်စား လုပ်ငန်းတွေ အနေနဲ့ လုပ်ငန်းတွေကို စနစ်တကျငွေစာရင်းထားရှိမှု၊ စနစ်တကျစီမံခန့်ခွဲမှု၊ စနစ်တကျ ငွေကြေးပြန်လည်သုံးစွဲမှုစတဲ့ လိုအပ်ချက်တွေကြောင့် အကြွေးအာမခံနဲ့ အာမခံထားပြီးချေးငွေရယူရာမှာ ဘဏ်တွေအနေနဲ့ ချေးငွေ ထုတ်ပေးနိုင်ဖို့ ခက်ခဲနေတယ်လို့ဆိုပါတယ်။အသေးစားနှင့်အလတ်စား လုပ်ငန်းတွေဖွံ့ဖြိုးတိုးတက်ရင် နိုင်ငံတွင်းမှာ အလုပ်အကိုင်အခွင့် အလမ်းများ ပိုမိုရရှိလာနိုင်ခြင်း၊GDPကိုအထောက်အပံ့ပေးနိုင်ခြင်း၊ကုန်ထုတ်လုပ်ရေးကို တိုးတက်စေနိုင်ခြင်း တို့ကြောင့် တိုင်းပြည်တိုးတက်နိုင်ဖို့ အထောက်အကူပြုလုပ်ငန်းအဖြစ် နိုင်ငံတော်အနေနဲ့ ပံ့ပိုးပေးဖို့ လိုအပ်တယ်လို့ သိရပါတယ်။

 

 

Related News