မြန်မာ့အာမခံလုပ်ငန်းမှ ရောင်းချနေတဲ့ ကျန်းမာရေးအာမခံကို  အသက်အရွယ်အလုိက် အုပ်စုခွဲရောင်းချခဲ့ပေမယ့် လာရောက်ဝယ်ယူတဲ့ ပြည်သူနည်းပါးခဲ့တာကြောင့် ပြန်လည်ရေးဆွဲပြီး ရောင်းချနိုင်ဖို့ စီစဉ်နေတာဖြစ်တယ်လို့ သိရပါတယ်။ 
 
မြန်မာ့အာမခံလုပ်ငန်းက ကျန်းမာရေးအာမခံကို (၂၀၁၇)ခုနှစ်က စတင်ပြီး အသက်အရွယ် အလိုက်ခွဲခြား ရောင်းချခဲ့တာ ဖြစ်ပြီး လူလတ်ပိုင်းကို အနိမ့်ဆုံး ငွေကျပ် (၄)သောင်းလေးထောင်နဲ့ အသက်အရွယ်ကြီးတဲ့ သူတွေအတွက်ကို ငွေကျပ်(၅)သောင်းလေးထောင် သတ်မှတ်ရောင်း ချခဲ့တယ်လို့ သိရပါတယ်။ ဒီလိုရောင်းချခဲ့ပေမယ့် ကျန်းမာရေးအာမခံရောင်းအား တက်မလာ တာကြောင့် (၂၀၁၈)ခုနှစ်မှာ ပြန်လည်သုံးသပ်ပြီး  အခြေခံလူတန်းစားတွေပါ ၀ယ်ယူနိုင်အောင် ပြန်လည် ဆွေးနွေးနေပြီဖြစ်တယ်လို့ ဆိုပါတယ်။
 
မြန်မာအာမခံလုပ်ငန်းက  ကျန်းမာရေးအာမခံကို အသက်(၆)နှစ်မှ (၆၅)နှစ်အတွင်း ပေးခဲ့ပေမယ့် ယခုအသစ်ပြန်လည်ပြုလုပ်မယ့် ကျန်းမာရေးအာမခံပုံစံအသစ်မှာတော့ အသက်(၇၅)အထိ တိုးပေးသွားမှာဖြစ်ပါတယ်။ သက်ကြီးရွယ်အို အဘိုးအဘွားတွေအတွက် ကျန်းမာရေး အာမခံအနေနဲ့ ဆေးရုံ၊ ဆေးခန်းပြသတဲ့ စရိတ်နဲ့ အထူးကုသဆောင်တွေမှာ ကုသစရိတ်တွေပါ ၀င်မှာဖြစ်ပြီး သက်ကြီးရွယ်အိုတွေကို ပိုပြီးစောင့်ရှောက်နိုင်အောင်ပြုလုပ်ပေးဖို့ စီစဉ်ထားတယ်လို့ သိရပါတယ်။

 မြန်မာ့အာမခံလုပ်ငန်းကို (၁၉၅၂)ခုနှစ်ကစတင် တည်ထောင်ခဲ့တာဖြစ်ပြီး လက်ရှိအချိန်မှာ အာမခံလုပ်ငန်းအမျိုးအစား (၂၉)မျိုးကို လက်ခံဆောင်ရွက်ပေးနေတာဖြစ်ပါတယ်။ ယခုထပ်မံအသစ် ရောင်းချမယ့် ကျန်းမားရေးအာမခံကို လာမယ့်(၂၀၁၉)ခုနှစ် နှစ်စပိုင်းမှာ ရောင်းချသွားဖို့ စီစဉ်ထားတယ်လို့ မြန်မာ့အာမခံလုပ်ငန်းမှ တာဝန်ရှိသူထံမှ သိရပါတယ်။ 

 

 

Related News