အခုဘဏ္ဍာနှစ် နှစ်စကနေ (၂၀၁၈)ခုနှစ် ဖေဖော်ဝါရီလအထိ  (၁၁)လတာကာလအတွင်း ပြည်တွင်းမှာ ရင်းနှီးမြှုပ်နှံမှုတွေအနေနဲ့  နိုင်ငံသားနဲ့နိုင်ငံခြားရင်းနှီးမြှုပ်နှံမှု စုစုပေါင်း(၆.၇)ဘီလီယံ ကျော်ရှိတယ်လို့ မြန်မာနိုင်ငံရင်းနှီးမြှုပ်နှံမှုကော်မရှင်က သတင်းထုတ်ပြန်ထားပါတယ်။ 
 
အခုဘဏ္ဍာနှစ်(၁၁)လတာ ကာလအတွင်း  ပြည်တွင်းမှာ  နိုင်ငံသားရင်းနှီးမြှုပ်နှံမှုတွေအနေနဲ့ ရင်နှီးမြှုပ်နှံမှုလုပ်ငန်းပေါင်း (၁၀၁)ခုမှာ အမေရိကန်ဒေါ်လာ(၁)ဘီလီယံနီးပါး ရင်းနှီးမြှုပ်နှံထား ပါတယ်။ နိုင်ငံခြားရင်းနှီးမြှုပ်နှံမှုက လုပ်ငန်းပေါင်း(၂၀၆)ခုမှာ အမေရိကန်ဒေါ်လာ(၅.၃) ဘီလီယံကျော် ၀င်ရောက်ရင်းနှီးမြှုပ်နှံထားတာလည်းဖြစ်ပါတယ်။ အရင်နှစ်တွေက ရှိပြီးသား နိုင်ငံသား၊ နိုင်ငံခြားရင်းနှီးမြှုပ်နှံမှုလုပ်ငန်းတွေမှာ အမေရိကန်ဒေါ်လာသန်း(၉၅၀)နီးပါး ထပ်မံတိုးချဲ့ ရင်းနှီးမြှုပ်နှံထားပြီး အထူးစီးပွားရေးဇုန်ဥပဒေအရ သီလ၀ါအထူးစီးပွားရေးဇုန်မှာလည်း အမေရိကန်ဒေါ်လာ သန်း(၃၆၀)ကျော် ၀င်ရောက်ထားတယ်လို့ မြန်မာနိုင်ငံ ရင်းနှီးမြှုပ်နှံမှု ကော်မရှင်က သတင်းထုတ်ပြန်ထားပါတယ်။
 
စုစုပေါင်းရင်နှီးမြှုပ်နှံမှုပေါင်း အမေရိကန်ဒေါ်လာ (၆.၇)ဘီလီယံကျော် ရှိတာဖြစ်ပါတယ်။ ဖေဖော်ဝါရီ(၂၇)ရက်က  ပြုလုပ်တဲ့ မြန်မာနိုင်ငံ ရင်းနှီးမြှုပ်နှံမှုကော်မရှင်အစည်းအဝေးမှာ ခွင့်ပြု၊အတည်ပြုပေးခဲ့တဲ့ လုပ်ငန်းပေါင်း(၁၇)ခုရှိခဲ့ပြီး အလုပ်အကိုင် အခွင့်အလမ်း ပေါင်း (၇၀၀၀)ကျော် ဖန်တီးပေးနိုင်မှာဖြစ်တယ်လို့လဲ ပြောပါတယ်။
 
ရင်းနှီးမြုပ်နှံမှုနှင့်ကုမ်္ပဏီများညွှန်ကြားမှုဦးစီးဌာန(DICA)ကတော့ နိုင်ငံခြားရင်းနှီးမြှုပ်နှံမှု ပတ်သက်လို့  ၂၀၁၆ ကနေ ၂၀၂၀အထိ တစ်နှစ် အမေရိကန်ဒေါ်လာ (၆)ဘီလီယံဝင်ရောက်ဖို့ မျှော်မှန်းထားပြီး ခုဘဏ္ဍာနှစ်မှာတော့  မျှော်မှန်းချက်ပြည့်ဖို့  အချိန်တစ်လအလိုမှာ ရင်းနှီးမြှုပ်နှံမှု ပမာဏ အမေရိကန်ဒေါ်လာ သန်း(၃၀၀)ကျော်လိုနေသေးတာလည်းဖြစ်ပါတယ်။  DICA ရဲ့ ရေရှည်မျှော်မှန်းချက်မှာတော့ ၂၀၂၁ ကနေ ၂၀၂၅ အထိ ပြည်တွင်းကို နိုင်ငံခြားရင်းနှီး မြုပ်နှံမှု တစ်နှစ် အမေရိကန်ဒေါ်လာ (၈)ဘီလီယံ ၀င်ရောက်ဖို့နဲ့ ၂၀၂၅ ကနေ ၂၀၃၀ အထိ တစ်နှစ်ကို အမေရိကန်ဒေါ်လာ ၁၁ ဘီလီယံ ၀င်ရောက်နိုင်ဖို့ ခန့်မှန်းထားပါတယ်။
 
 
 
 

Related News