အမျိုးသားသယ်ယူပို့ဆောင်ရေးပင်မစီမံကိန်း(National Transport Masterplan)အရ မြန်မာနိုင်ငံရဲ့ သယ်ယူပို့ဆောင်ရေး ကဏ္ဍအဆင့်မြှင့်တင်ဖို့ ၂၀၁၆ ကနေ ၂၀၃၀ အထိ ရင်းနှီးမြုပ်နှံမှု အမေရိကန်ဒေါ်လာ(၄၅)ဘီလျံကနေ ဘီလျံ(၆၀)ကြားလိုအပ်မှာဖြစ်တယ်လို့ ပို့ဆောင်ရေးနှင့် ဆက်သွယ်ရေးဝန်ကြီးဌာနရဲ့ အချက်အလက် တွေအရသိရပါတယ်။ 
 
ဒီ Master plan မှာ မော်တော်ကားလမ်း၊မီးရထားလမ်း၊ဆိပ်ကမ်း၊ရေကြောင်းနဲ့လေကြောင်း ပို့ဆောင်ရေးကဏ္ဍတွေအတွက် အဆင့်မြှင့်တင်မယ့် စီမံကိန်း(၁၄၂)ခု ပါဝင်မှာဖြစ်တယ်လို့ သိရပါတယ်။ဒါတွေ ပြီးရင်တော့ ၂၀၃၀မှာ ပို့ဆောင်ရေးကုန်ကျစရိတ် (၃၀)ရာခိုင်နှုန်းလျှော့ချနိုင်မှာဖြစ်သလို ပြည်သူ(၁၀)သန်းအတွက် အခြေခံလမ်းတွေရှိလာမယ်လို့သိရပါတယ်။
 
လက်ရှိ ကုန်းလမ်းမှာဆိုရင် လမ်းမိုင် ကီလိုမီတာ တစ်သိန်းလေးသောင်းကျော်နဲ့ အမြန်လမ်း၅၈၉ ကီလိုမီတာကျော် ဖောက်လုပ် ပြီးဖြစ်ပေမယ့် အဝေးပြေးလမ်းမကြီးတွေရဲ့ ၆၀ရာခိုင်နှုန်းဟာ အဆင့်မြင့်တင်ဖိုလိုအပ်နေသလို ပြည်သူသန်း(၂၀)လောက်က အခြေခံကျတဲ့ လမ်းတွေအသုံးမပြုနိုင်သေး ဘူးလို့သိရပါတယ်။
 
ဒါ့အပြင် ပြည်တွင်းမှာသွားလာနိုင်တဲ့ ရေမိုင် ကီလိုမီတာ ၆၆၀၀ ကျော်ရှိပေမယ့် ကုန်စည် ပို့ဆောင်မှုရဲ့ (၆)ရာခိုင်နှုန်းသာ ရေကြောင်း ကိုအသုံးပြုနိုင်သေးသလို စုစုပေါင်းရေကြောင်းကုန်သွယ်မှုရဲ့ (၉၀)ရာခိုင်နှုန်းကျော်က ရန်ကုန်ကဆိပ်ကမ်းကို အားထားနေရတယ်လို့လည်း သိရပါတယ်။လေကြောင်းမှာလည်း နိုင်ငံတကာလေဆိပ်(၃)ခုနဲ့ပြည်တွင်းလေဆိပ် (၃၀)ကျော်သာရှိသလို မီးရထားလမ်းတွေကလည်း အဆင့်မြှင့်ရဦးဖြစ်တယ်လို့ပြောပါတယ်။
 
ဒါ့ကြောင့် နိုင်ငံတကာရင်းနှီးမြုပ်နှံသူတွေအနေနဲ့ သယ်ယူပို့ဆောင်ရေးကဏ္ဍမှာ ရင်းနှီးမြုပ်နှံနိုင်ဖို့ ပြီးခဲ့တဲ့လကပြုလုပ်တဲ့ မြန်မာ-ကိုရီးယား ရင်းနှီးမြှုပ်နှံမှုဖိတ်ခေါ်ခြင်းအစည်းအဝေးမှာလည်း ဒီအချက်အလက်တွေကို ထည့်သွင်းတင်ပြခဲ့တာပါ။ ဒါ့နဲ့တပြိုင်နက်တည်းမှာပဲ သယ်ယူပို့ဆောင်ရေး ကဏ္ဍအတွက် အဓိကကျတဲ့ ထောက်ပံ့ပို့ဆောင်ရေးလုပ်ငန်းတွေအတွက် စီမံကိန်း(၁၇၃) ခုပါတဲ့ (၂၀၁၆-၂၀၃၀) Logistics Master Plan ကိုလည်း လုပ်ဆောင်နေပြီး အမေရိကန်ဒေါ်လာ သန်း(၃၀)၀န်းကျင်ကုန်ကျမှာ ဖြစ်တယ်လို့သိရပါတယ်။
 
 
 
 

Related News