မြန်မာနိုင်ငံကထွက်ရှိတဲ့ဝါးတွေကို ပြည်ပနိုင်ငံတွေက ၀ယ်ယူဖို့ကမ်းလှမ်းထားတာ တွေရှိပေမယ့် လိုသလောက်အရေအတွက် ထုတ်လုပ်နိုင်ဖို့အခက်အခဲတွေရှိနေတယ်လို့ သိရပါတယ်။ 
ပြည်တွင်းကထွက်ရှိတဲ့ဝါးကို ကိုရီးယားနိုင်ငံက တစ်လကိုအလုံးရေ(၃)သိန်းဝယ်ယူဖို့ ကမ်းလှမ်းထားပေမယ့် လက်ရှိပြည်တွင်းကထွက်ရှိတဲ့ ၀ါးတွေဟာ သဘာဝအတိုင်းပေါက်တဲ့ ၀ါးတွေဖြစ်ကာ စနစ်တကျ စိုက်ပျိုးထားတဲ့ ၀ါးတွေလို ဖြောင့်တန်းမှုမရှိတာတွေကြောင့် လိုသလောက် အရေအတွက် ကိုရောင်းချနိုင်ခြင်း မရှိဘူးလို့ သိရပါတယ်။ 
 
မြန်မာနိုင်ငံဝါး စိုက်ပျိုးရေးအသင်းအနေနဲ့ နိုင်ငံတကာကိုဝါးတင်ပို့နိုင်ဖို့အတွက် အဓိကကုန်ကြမ်းဖြစ်တဲ့ဝါးကို စိုက်ပျိုးနိုင်ဖို့လုပ်ဆောင် လျက်ရှိပြီး ယခုနှစ်အတွင်း ပျိုးပင်ပေါင်းသိန်း (၄၀)အထိ ဖြန့်ချိပေးထားပြီးဖြစ်ကာ လာမည့်၆နှစ်အတွင်း ပြည်ပနိုင်ငံတွေကို တင်ပို့နိုင်ဖို့ခန့်မှန်း ထားတယ်လို့ သိရပါတယ်။ ဒါ့အပြင်ဝါးကနေ ကုန်ချောအဖြစ်ထုတ်လုပ်တဲ့၊ စားပွဲ၊ ကုလားထိုင်နဲ့ ကုတင်တွေအစရှိတဲ့ ပရိဘောဂပစ္စည်းတွေကိုလဲ တင်ပို့နိုင်ရေး လုပ်ဆောင်လျက်ရှိပြီး လက်ရှိအချိန်မှာတော့ အဆိုပါ ပစ္စည်းတွေကို ပြည်တွင်းမှာပဲရောင်းချနိုင် သေးတယ်လို့ သိရပါတယ်။ မြန်မာနိုင်ငံဝါးစိုက်ပျိုးရေးအသင်းမှာ လက်ရှိအသင်းဝင်(၁၀၀၀)ကျော်ရှိပြီး လွန်ခဲ့တဲ့ ၂၀၁၅ခုနှစ်က စတင်ဖွဲ့စည်းခဲ့ကာ ပြီးခဲ့တဲ့ ၂၀၁၇ခုနှစ်မှာ တရားဝင်မှတ်ပုံတင်ရရှိခဲ့တယ်လို့ သိရပါတယ်။ 
 
 
 

Related News