ပြည်ပနိုင်ငံတွေကို ရောက်ရှိနေတဲ့ မြန်မာအလုပ်သမားတွေအနေနဲ့  မိမိတို့ရရှိတဲ့လုပ်အားခတွေကို မြန်မာနိုင်ငံကမိသားစုတွေထံ ပြန်လည်ပို့ပေးရာ (၅)နှစ်နီးပါးကာလအတွင်း အမေရိကန်ဒေါ်လာသန်း (၁၅၀၀) ကျော်အထိ ရှိခဲ့တယ်လို့ သိရပါတယ်။ 
 
ပြည်ပနိုင်ငံတွေမှာ ရောက်ရှိနေတဲ့ မြန်မာအလုပ်သမားတွေရဲ့ ပို့ငွေလွှဲပြောင်းပေးပို့ခဲ့တာတွေနဲ့ ပတ်သက်ပြီး ဇန်န၀ါရီလ(၉)ရက်က နေပြည်တော်မှာရှိတဲ့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ရုံးမှာပြုလုပ်ခဲ့တဲ့ ပြည်ပနိုင်ငံများရှိ မြန်မာအလုပ်သမားများ၏ မိသားစုလွှဲပို့ငွေများ တရားဝင်လမ်းကြောင်းများမှ စီးဝင်ရေး ညှိနှိုင်းဆွေးနွေးပွဲမှ သိရပါတယ်။ ပြည်ပနိုင်ငံတွေမှာသွားရောက် အလုပ်လုပ်ကိုင်နေတဲ့ မြန်မာအလုပ်သမားတွေကနေ  နေရပ်နိုင်ငံဖြစ်တဲ့ မြန်မာနိုင်ငံကို မိမိတို့ရရှိတဲ့ ငွေများကို ပြန်လည်လွှဲပြောင်းပေးပို့လျက်ရှိရာ မြန်မာနိုင်ငံတော်ဗဟိုဘဏ်က ရရှိတဲ့ စာရင်းတွေအရ မြန်မာအလုပ်သမား (၁ဒဿမ၇)သန်းကနေ ၂၀၁၂ခုနှစ်မှ စတင်ကာ ပြီးခဲ့တဲ့ ၂၀၁၇ခုနှစ်၊ အောက်တိုဘာလ(၁၁)ရက်အထိ စုစုပေါင်းအမေရိကန်ဒေါ်လာ(၁၅၆၈ ဒဿမ ၉၀၂)သန်းကျော်ကို လွှဲပို့ထားတယ်လို့ သိရပါတယ်။ 
 
မြန်မာနိုင်ငံအနေနဲ့ ပြည်ပနိုင်ငံတွေကို ၁၉၉၀ခုနှစ်က စတင်ပြီး မြန်မာအလုပ်သမားတွေကို စေလွှတ်ခဲ့ရာထိုင်းနိုင်ငံ၊ မလေးရှားနိုင်ငံ၊ စင်္ကာပူနိုင်ငံနဲ့ ဂျပန်နိုင်ငံတို့အပါအ၀င် ပြည်ပနိုင်ငံတွေကို သွားရောက် အလုပ်လုပ်ကိုင်နေသူ အရေအတွက်ဟာ (၃)သန်းခန့်ရှိပြီး၂၀၁၄ခုနှစ်လူဦးရေနှင့် အိမ်အကြောင်းအရာကောက်ယူမှု သန်းခေါင်စာရင်းအရ ပြည်ပကို ရွှေ့ပြောင်းသွားလာနေထိုင်သူ အရေအတွက်ဟာ လူဦးရေရဲ့ (၁၀)ရာခိုင်နှုန်းဖြစ်တဲ့ (၅)သန်းကျော်ရှိတယ်လို့ သိရပါတယ်။ ယခုလွှဲပို့ငွေပမာဏဟာ ပြည်ပနိုင်ငံတွေကို သွားရောက်အလုပ်လုပ်ကိုင်နေတဲ့ အလုပ်သမားဦးရေနှင့် နှိုင်းယှဉ်ကြည့်လျှင် များစွာလျော့နည်းနေတယ်လို့ သိရပါတယ်။
 
 

Related News