ပြည်တွင်းမှထွက်ရှိတဲ့ မြန်မာ့ရိုးရာအထည်အလိပ်များထက် ပြည်ပမှဝင်လာတဲ့အထည်တွေက ဈေးကွက်ထဲမှာပိုမိုနေရာယူနေတာကြောင့် မြန်မာ့ရိုးရာအထည်လိပ်ဖြစ်တဲ့ ရက်ကန်းဈေးကွက်ဟာ စိန်ခေါ်မှုတစ်ရပ် ဖြစ်လာတယ်လို့ အထည်အလိပ်လုပ်ငန်းရှင်တွေက ပြောပါတယ်။ ယခုလက်ရှိမှာတော့ မြန်မာနိုင်ငံရဲ့အထည်အလိပ်ထုတ်လုပ်ခြင်းလုပ်ငန်းအတွက် အဓိက ဈေးကွက်နှစ်ခုရှိပြီး၊ တစ်ခုမှာ ပြည်တွင်းမှဝယ်လိုအားနဲ့ သုံးစွဲသူဖောက်သည်တွေကိုဦးတည်တဲ့ (စက်နဲ့အလျှင် အမြန်ထုတ်လုပ်တဲ့ အထည်အလိပ်များ)ဈေးကွက်နဲ့  အရည်အသွေးကောင်းတဲ့ ထုတ်ကုန်တွေကို  နိုင်ငံခြားဈေးကွက်ကို ဦးတည်နေတဲ့ဈေးကွက် ဖြစ်ပါတယ်။
 
ဒါ့ကြောင့် မြန်မာ့ရိုးရာအထည်လိပ်ဖြစ်တဲ့ ရက်ကန်းဈေးကွက်အတွက် ပြည်တွင်းမှာရှိတဲ့ ရက်ကန်း ပညာရှင်တွေနဲ့  စွန့်ဦးတီထွင်သူတွေ ပူးပေါင်းကာဆောင်ရွက်လျက်ရှိတယ်လို့ ပြောပါတယ်။ ယခုအခါမှာတော့ ပြည်တွင်းရှိဈေးရုံကြီးတွေမှာရောင်းချနေတဲ့ အထည်အများစုနဲ့ ဆက်စက်ပစ္စည်းတွေဖြစ်တဲ့ ဆွယ်တာတွေအစ ဖိနပ်နဲ့ဦးထုတ်တွေဟာ ထိုင်းနဲ့တရုတ်နိုင်ငံတို့မှ တင်သွင်းလာကြပြီး အဲ့ဒီ့ပစ္စည်းတွေဟာ ပြည်တွင်းထုတ်လုပ်တဲ့ အထည်နှင့်ဆက်စပ်ပစ္စည်း တွေထက် ဈေးသက်သာနေတယ်လို့ သိရပါတယ်။
 
ဒါကြောင့် မြန်မာ့ရိုးရာအထည်အလိပ်ဖြစ်တဲ့ ရက်ကန်ဈေးကွက်ချဲ့ထွင်နိုင်ဖို့ အဆိုပါဈေးကွက်နှစ်ခုကြားရှိ ဈေးကွက်တစ်ခုဖော်ဆောင်ရန်အတွက် ဈေးကွက်သုတေသနပြုလုပ်ခြင်းနဲ့ မြန်မာပြည်ထွက် အထည် အလိပ်တွေကို ၀ယ်လိုအားမြင့်တက် လာအောင်ပြုလုပ်ခြင်းတို့ဖြင့် ရက်ကန်းဈေးကွက်ချဲ့ထွင်နိုင်မယ်လို့ မျှော်လင့်ထားကြပါတယ်။ ယခုအချိန်မှာလည်း မြန်မာအမျိုးသမီးငယ်အများစုဟာ လုပ်အားခအနည်းဆုံးရရှိနေတဲ့ လုပ်ငန်းတစ်ခုလည်းဖြစ်၊ စက်ချုပ်ပညာရပ်နှင့် နှိုင်းယှဉ်လျှင်လုပ်ငန်းတစ်ခုစတင်ရန် ခက်ခဲမှုရှိခြင်း တို့ကြောင့် ရက်ကန်းပညာရှင် ဖြစ်လာရန် စိတ်ဝင်စားမှုအားနည်းနေတာကို တွေ့ရတယ်လို့ သုတေသနစစ်တမ်းတွေအရ သိရပါတယ်။ 
 
 

Related News