အစာစရိတ်အခက်အခဲဖြစ်နေတဲ့ ငါးမွေးတောင်သူတွေကို CB  ဘဏ်မှငွေကျပ်သိန်း ၂၀၀အထိ ထုတ်ချေးပေးမယ့်အစီအစဉ်ကို မြန်မာနိုင်ငံငါးလုပ်ငန်းအဖွဲ့ချုပ်မှာ လာရောက်မိတ်ဆက်ခဲ့ပါတယ်။ လုပ်ငန်းလည်ပတ်နေပေမဲ့ ငါးအစာကျွေးရမယ့် ကာလမှာ အစာစရိတ် အခက်အခဲဖြစ်နေတဲ့ ငါးမွေးတောင်သူတွေကို CB BANK က အပေါင်ပစ္စည်းမလိုအပ်ပဲ ချေးငွေထုတ်ပေးသွားမှာ ဖြစ်တယ်လို့သိရပါတယ်။ ဒီလို ချေးငွေပေးတဲ့နေရာမှာ လုပ်ငန်းအမှန်တကယ် လည်ပတ်နေကြောင်း မြန်မာနိုင်ငံငါးလုပ်ငန်းအဖွဲ့ချုပ်က ထောက်ခံချက်ရယူရန်လိုအပ်ပြီး CB BANK  ကလည်း ချေးငွေချေးယူမယ့် ငါးကန်ကို ကွင်းဆင်းလေ့လာသွားမှာဖြစ်ပါတယ်။ပြည်တွင်း ငါးမွေးမြူရေးလုပ်ငန်း အများစုက အစာစရိတ်အတွက် (၇၅)ရာခိုင်နှုန်း အထိ ကုန်ကျနေတာကြောင့် ဒီလိုချေးငွေထုတ်ပေးရင် လုပ်ငန်းလည်ပတ်ဖို့ အဆင်ပြေသွားမယ်လို့ မြန်မာနိုင်ငံ ငါးလုပ်ငန်း အဖွဲ့ချုပ်ရဲ့ ဒုတိယ ဥက္ကဋ္ဌကပြောပါတယ်။ ချေးငွေရယူတဲ့အခါ ငါးမွေးမြူရေးကန် ပိုင်ဆိုင်ကြောင်း အထောက်အထားဖြစ်တဲ့ ပုံစံ(၇)နဲ့ လုပ်ကိုင်ခွင့် လန(၃၉)တွေ ပြနိုင်ရင် ချေးငွေ ပိုထုတ်ပေးနိုင်ပြီး ဒီလို ပိုင်ဆိုင်ခွင့်ပုံစံတွေ မရှိသေးတဲ့ လုပ်ငန်းရှင်တွေကိုတော့ လုပ်ငန်းလည်ပတ်နေတဲ့ အခြေအနေနဲ့ ၀င်ငွေ၊ ထွက်ငွေ တွေကို ကြည့်ပြီး ငွေကျပ်သိန်း (၂၀၀)အထိ ထုတ်ချေးပေးသွားမယ်လို့ သိရပါတယ်။
 
 

Related News