မန္တလေးမြို့ရှိ မြန်မာ့ရိုးရာ မီးပုံးကိုအထက်မြန်မာပြည်၊ နယ်မြို့များမှ အော်ဒါမှာယူမှု များနေတာကြောင့် ရောင်းအားကောင်းလျက်ရှိတယ်လို့ မန္တလေးမြို့ရှိ မြန်မာ့ရိုးရာ မီးပုံးပြုလုပ် ရောင်းချသူများထံမှ သိရပါတယ်။ ပြည်တွင်းဖြစ်မီးပုံးများကို ယုန်၊ လိပ်ပြာ၊ ကရ၀ိတ်၊ အသည်းပုံ၊ ကြယ်၊ ကား၊ သင်္ဘော အစရှိတဲ့ပုံစံ ဆန်း(၃၀)ကျော် တီထွင်ပြုလုပ်ရောင်ချလျက်ရှိတယ်လို့ သိရပါတယ်။ အဆိုပါ မီးပုံးများမှာ ဈေးနှုန်းအနေနဲ့ တစ်ခုကို အနည်းဆုံး  ၅၀၀ ကျပ်မှ ၁၀၀၀၀ ကျော်ထိ ရှိတယ်လို့ သိရပါတယ်။

ဒါ့အပြင်မန္တလေးမြို့ပေါ်မှာ မီးပုံးရောင်းချတဲ့ဈေးကွက်အနေနဲ့ တော်သလင်းလကတည်းက စတင်၍အော်ဒါများ လက်ခံပြီးရောင်းနေရတာဖြစ်တယ်လို့ သိရပါတယ်။ မန္တလေးမြို့ မီးပုံးဈေးကွက်မှာ တရုတ်မီးပုံးတွေက ဈေးအနည်းငယ်သက်သာတာကြောင့် မြန်မာ့ရိုးရာ မီးပုံးများနှင့် ဈေးကွက်တွင်း ယှဉ်ပြိုင်လျက်ရှိနေပေမယ့် မြန်မာ့ရိုးရာမီးပုံးများမှာ အနည်းငယ်ပိုပြီး ရောင်းချနေရတယ်လို့ သိရပါတယ်။ 

မန္တလေးမြို့ ချမ်းမြသာစည်မြောက်ရပ်ကွက်မှာယခင်က တစ်ရပ်ကွက်လုံးနီးပါး မြန်မာ့ရိုးရာ မီးပုံးများနှင့် ထီးလုပ်ငန်းများလုပ်ကိုင်ကြပြီး ယခုလက်ရှိမှာတေ့ာအဆိုပါလုပ်ငန်းလုပ်ကိုင်မှုမှာ (၆)အိမ်နီးပါးသာရှိတော့တယ်လို့ သိရပါတယ်။ အဆိုပါလုပ်ငန်းလုပ်ကိုင်သည့် အိမ်များမှတစ်နှစ်လျှင် ပျမ်းမျှမီးပုံးအလုံးရေ ၁၀၀၀၀ မှ ၃၀၀၀၀ ကျော်ထိ ရောင်းချရတယ်လို့ သိရပါတယ်။

 

Related News