နည်းပညာသစ်တွေနဲ့လူနေမှုဘ၀တွေအတွက် Taiwain Excellence 2017  ကိုစက်တင်ဘာလ ၂၈ရက်မှ အောက်တိုဘာလ၁ရက်အထိ (၄)ရက်တာ တပ်မတော်ခန်းမှာ ကျင်းပပြုလုပ်သွားမှာဖြစ်တယ်လို့ စက်တင်ဘာလ (၂၇)ရက်က Chatrium Hotel  မှာ ပြုလုပ်ခဲ့တဲ့သတင်းစာရှင်းလင်းပွဲမှသိရပါတယ်။Taiwain Excellenxe 2017 ကို ထိုင်ဝမ်စီးပွားရေးဝန်ကြီးဌာန၊ နိုင်ငံခြားကုန်သွယ်မှု အဖွဲ့အစည်းမှ ပံ့ပိုးကူညီပြီး ထိုင်ဝမ်ပြည်ပဖွံဖြိုးတိုးတက်ရေးကောင်စီမှစီစဉ်ကျင်းပတာ ဖြစ်တယ်လို့ သိရပါတယ်။

Taiwain Excellence ဟာမြန်မာနှင့်ထိုင်ဝမ်နှစ်နိုင်ငံအကြား ပူပေါင်းလုပ်ဆောင်နေတဲ့ ဆက်ဆံရေးကို ပိုမိုအားကောင်းလာစေရန်အတွက် ထိုင်ဝမ်နိုင်ငံကကုန်ပစ္စည်းတွေကို မြန်မာနိုင်ငံမှာ မိတ်ဆက်ပြီးအရောင်းမြှင့်တင်မှုတွေကို ပြုလုပ်ခဲ့တာဖြစ်ပါတယ်။ ထိုင်ဝမ်နိုင်ငံမှာပြုလုပ်ထားတဲ့ နည်းပညာအသစ်နဲ့လူသုံးကုန်ပစ္စည်းများ၊ ဗွိဒီယိုကင်မရာများ၊ ကားနှင့်ပတ်သက်တဲ့ အစိတ်အပိုင်းပစ္စည်းများကို ပါဝင်ပြသသွားမှာ ဖြစ်တယ်လို့လည်း သိရပါတယ်။ထိုင်ဝမ်နိုင်ငံရဲ့ထူးချွန်ဆုရရှိထားတဲ့ ကုန်ပစ္စည်း အမှတ်တံဆိပ်(၃၃)မျိုးမှ ထုတ်ကုန်ပေါင်း (၆၅) မျိုးကို ပြသသွားမှာဖြစ်ပါတယ်။ Taiwain Excellence 2017 ကို Auto Power Expo 2017  နဲ့ ပူးပေါင်းပြီးပြသသွားမှာ ဖြစ်ပါတယ်။ 

 

Related News