မြန်မာနိုင်ငံမှာရှိတဲ့ အသေးစားနှင့်အလတ်စား စီးပွားရေးလုပ်ငန်းများ (SME) လုပ်ငန်းတွေ အတွက် ပံ့ပိုးကူညီပေးနိုင်မယ့် သင်တန်းဆရာ(၁၀၃)ဦးကို စက်တင်ဘာလ(၂၆)ရက်က ရန်ကုန်မြို့ UMFCCI   မှာ အသိမှတ်ပြုလက်မှတ်များပေးအပ်ချီးမြှင့်ခဲ့တာ ဖြစ်ပါတယ်။    မြန်မာနိုင်ငံက အသေးစားနှင့်အလတ်စား SME  စီးပွားရေးအခွင့်အလမ်းတွေ အကျိုးခံစားနိုင်ဖို့ အတွက်စီမံခန့်ခွဲမှုပညာတွေလိုအပ်နေတာကြောင့် စီးပွားရေးစီမံခန့်ခွဲမှုသင်တန်းတွေကို သင်ကြားပေးနေတာ ဖြစ်ပါတယ်။ အခုလိုစီမံခန့်ခွဲမှုပညာတွေကို အပြည်ပြည်ဆိုင်ရာ အလုပ်သမားအဖွဲ့အစည်း (ILO)မှ စီးပွားရေးစီမံခန့်ခွဲမှုဆိုင်ရာသင်တန်းတွေကို ဂျာမနီနိုင်ငံအခြေစိုက် ဖွံ့ဖြိုးရေးအဖွဲ့အစည်း(GIZ)နဲ့ ပူးပေါင်းပြီး ပို့ချသင်ကြားပေးတာဖြစ်ပါတယ်။    နော်ဝေနိုင်ငံမှNORAD အဖွဲ့အစည်းနဲ့ ဆွစ်ဇာလန်နိုင်ငံမှ SECO  အဖွဲ့အစည်းတွေရဲ့တို့ ပံ့ပိုးမှုကူညီမှုနဲ့ဆောင်ရွက်နေတဲ့ ILO  အသေးစားနှင့်အလတ်စားစီးပွားရေးလုပ်ငန်းများ ပံ့ပိုးရေးစီမံကိန်းကို (၂၀၁၄) ခုနှစ်ကစတင်သင်ကြားပေးနေပြီး စီမံခန့်ခွဲမှုပညာရပ်တွေပို့ချနေတဲ့ သင်တန်းဆရာ (၄၀၀)ကျော်ကို ပျိုးထောင်ပေးခဲ့တာဖြစ်ပါတယ်။ အဆိုပါသင်တန်းဆရာတွေမှ တစ်ဆင့် မြန်မာနိုင်ငံတ၀န်းမှာရှိတဲ့ လုပ်ငန်းရှင်ပေါင်း(၁၄၀၀၀)ကျော်ကို သင်တန်းတွေ ပြန်လည်ပို့ချနိုင်ခဲ့ပြီး အလုပ်အကိုင်သစ်ပေါင်း (၇၀၀၀)ကျော်ပေါ်ထွက်လာအောင် ပံပိုးကူညီ ပေးခဲ့တာ ဖြစ်တယ်လို့လည်း သိရပါတယ်။အခုလို ILO ကသင်ကြားပို့ချတဲ့ စီးပွားရေးစီမံခန့်ခွဲမှုသင်တန်း (SIYB) ကို ၂၀၁၄ခုနှစ်က စတင်ပြီး တစ်နှစ်ကို(၂)ကြိမ် သင်ကြားပို့ချပေးလျက်ရှိတယ်လို့ သိရပါတယ်။    

 

 

Related News