အစိုးရသစ်လက်ထက် ပြောင်းလဲသွားတဲ့ မြန်မာနိုင်ငံရဲ့စီးပွားရေးအခြေအနေတွေနဲ့ ရှေ့ဆက် ဖြစ်ပေါ်လာမယ့် စီးပွားရေးအလားအလာနဲ့ ပတ်သက်ပြီးထင်မြင်ယူဆချက်တွေကို အစိုးရမှ တာဝန်ရှိသူတွေ၊ ပုဂ္ဂလိက လုပ်ငန်းရှင်တွေ အပြန်အလှန်ဆွေးနွေးတဲ့ Business Turning Point 2017 ၂၀၁၇ ကို ဇွန်လ(၁၇)ရက်က ရန်ကုန်မြို့Gandamar Grand Ballroom  မှာ ပြုလုပ်ခဲ့ ပါတယ်။ အစိုးရသစ် သက်တမ်းဟာ အခုဆိုရင်တစ်နှစ်ကျော်ကာလကို ရောက်ရှိလာပြီဖြစ်ပြီး ဒီတစ်နှစ် ကျော် ကာလအတွင်း မြန်မာနိုင်ငံရဲ့ စီးပွားရေးပြောင်းလဲမှုတွေများစွာရှိခဲ့သလို ရင်းနှီးမြုပ်နှံမှု ဥပဒေသစ်ကိုလည်း ရေးဆွဲနိုင်ခဲ့ပါတယ်။ 
 
တစ်နှစ်ကျော်ကာလအတွင်းမှာ တိုးတက်ပြောင်းလဲခဲ့တာ တွေရှိသလို ဥပဒေဆိုင်ရာမူဘောင်ပြင်ဆင်မှုလုပ်ငန်းတွေ မပြီးပြတ်သေးတာတွေ၊ ၀န်ကြီးဌာနတွေ အနေနဲ့လည်း ပုဂ္ဂလိကကဏ္ဍတွေနဲ့ ပိုမိုပူးပေါင်းဆောင်ရွက်ဖို့အတွက် လိုအပ်ချက်တွေရှိ နေသေးတယ်လို့ မြန်မာနိုင်ငံရင်းနှီးမြုပ်နှံမှုကော်မရှင်မှ အတွင်းရေးမှူး ဦးအောင်နိုင်ဦးက ပြောပါတယ်။မြန်မာနိုင်ငံမှာနိုင်ငံခြားရင်းနှီးမြုပ်နှံမှုတွေ ၀င်ရောက်မှုများလာတဲ့အခါမှာ ပြည်တွင်းကုမ္ပဏီတွေနဲ့ နည်းပညာပိုင်းတွေ ၊ ကျွမ်းကျင် လုပ်သားပိုင်းတွေ မညီမျှမှုတွေကြောင့် ဈေးကွက်ယှဉ်ပြိုင်တဲ့အခါမှာ အခက်အခဲပိုင်းတွေများစွာရှိနေတဲ့အတွက် ကြိုတင်ပြင်ဆင်မှုများ လုပ်နေရတဲ့အပိုင်းတွေနဲ့ပတ်သက်ပြီး ဆွေးနွေးခဲ့သလို အစိုးရပိုင်းအနေနဲ့ လုပ်ဆောင်ပေးစေလိုတဲ့ အချက်တွေနဲ့ ပတ်သက်ပြီး လုပ်ငန်းရှင်တွေအနေနဲ့ အခုလိုပြောပါတယ်။ဒီပွဲမှာ အစိုးရပိုင်းနဲ့ ပုဂ္ဂလိကပိုင်းတွေအနေနဲ့ အပြန်အလှန်ဆွေးနွေးမှုတွေပြုလုပ်ခဲ့သလို လက်ရှိမှာအောင်မြင်မှုတွေရရှိနေတဲ့ ကုမ်္ပဏီပိုင်ရှင်တွေရဲ့ ဘ၀အချိုးအကွေ့တွေနဲ့ပတ်သက်ပြီး မေးမြန်းတဲ့ အစီအစဉ်တွေကိုလည်း ထည့်သွင်းထားပါတယ်။
 
 
 
 

Related News