အခုနှစ်အတွင်း နောက်ထပ် အများပိုင်ကုမ်္ပဏီနှစ်ခုလောက် ရန်ကုန်စတော့အိတ်ချိန်းမှာ စာရင်းဝင်ကုမ္ပဏီ ဖြစ်လာဖို့ရှိတယ်လို့ ရန်ကုန်စတော့အိပ်ချိန်းကတာဝန်ရှိသူတွေဘက်က ခန့်မှန်းထားပေမယ့် အခုထိတော့ ရန်ကုန်စတော့အိတ်ချိန်းကို 
လျှောက်လွှာရောက်လာတဲ့ ကုမ္ပဏီ မရှိသေးဘူးလို့ သိရပါတယ်။ရန်ကုန်စတော့အိတ်ချိန်းရဲ့ဖော်ပြချက်တွေထဲမှာတော့ စာရင်းဝင်ကုမ္ပဏီဖြစ်ဖို့ ကုမ်္ပဏီတွေ အနေနဲ့ အဆင့် ၇ ဆင့်ကို ၁နှစ်လောက်ပြင်ဆင်ရပြီး နောက်ဆုံး အဆင့်မှာတော့ ရန်ကုန်စတော့ အိတ်ချိန်းကို လျှောက်လွှာ တင်ရတာပါ။ အခုလက်ရှိ ကုမ္ပဏီတစ်ချို့ကတော့ ရန်ကုန်စတော့ အိတ်ချိန်းကိုဝင်ဖို့ Securities  ကုမ္ပဏီတွေနဲ့ ပြင်ဆင်နေတယ်လို့ သိရပါတယ်။ဒါတွေပြီးရင်တော့ နောက်ဆုံးမှာ ရန်ကုန်စတော့အိတ်ချိန်းကို လျှောက်လွှာတင်ရမှာဖြစ်ပါတယ်။
 
လျှောက်လွှာ ရောက်လာရင်တောင် အိတ်ချိန်းဘက်က ၄၅ ရက်ကြာ စစ်ဆေးမှာဖြစ်ပြီး ခွင့်ပြုချက်ရပါက ရှယ်ယာရှင်တွေအနေနဲ့ Securitiesအကောင့်တွေပြောင်းတာလုပ်ရမှာဖြစ်ပြီး အဲ့ဒီနောက်မှာတော့ စတင်ရောင်းချမယ့်ရက်နဲ့ အဖွင့်ဈေးကိုထုတ်ပြန်မှာဖြစ်ပါတယ်။လက်ရှိရန်ကုန်စတော့အိတ်ချိန်းမှာ စာရင်းဝင်ကုမ္ပဏီ လေးခုကရှယ်ယာရောင်းချနေပြီး အခုနှစ်ဇန်န၀ါရီလမှာ ပထမပုဂ္ဂလိက ဘဏ်ဝင်လာပြီး နောက်ပိုင်းမှာတော့ ကုမ္ပဏီအသစ်ရောက် မလာသေးပါဘူး။လက်ရှိကုမ္ပဏီ လေးခုကနေ တစ်ရက်ကို ပျှမ်းမျှ ကျပ်သန်း ၈၀နဲ၁၀၀ကြား တန်ဖိုးရှိတဲ့ရှယ်ယာတစ်သောင်းဝန်းကျင်အရောင်း အ၀ယ်ဖြစ်နေတယ်လို့ သိရပါတယ်။ မကြာခင် သီလ၀ါ(MTSH) ကအမြတ်ဝေစုခွဲပေးဖို့ရှိနေတာကြောင့် အရောင်းအ၀ယ် ပြန်တက်လာဖို့ မျှော်လင့်နေသူတွေလည်း ရှိနေပါတယ်။
 
အခုတစ်ပတ်အတွင်းမှာလည်း ကုမ္ပဏီလေးခုရဲ့ ရှယ်ယာဈေးတွေ အပြောင်းအလဲသိပ်မရှိခဲ့ ဘူးလို့ သိရပါတယ်။ ပြီးခဲ့တဲ့လတွေမှာတော့FMIနဲ့ MTSH ရှယ်ယာတွေက အဓိက အရောင်း အ၀ယ် ဖြစ်နေပြီး MCB ရှယ်ယာကတော့ နောက်ဆုံးနှစ်ရက် 
ဆက်တိုက်အရောင်းအ၀ယ် မရှိခဲ့ပါဘူး။ ဒါပေမယ့် အခုတစ်ပတ်နောက်ဆုံးဈေးကွက် အပိတ်ရက်ဖြစ်တဲ့ သောကြာနေ့မှာတော့ တစ်ရက်ကို ရှယ်ယာတစ်သောင်းလောက်အရောင်းအ၀ယ်ရှိနေပြီး  ရန်ကုန်စတော့အိတ်ချိန်းက ထူးထူးခြားခြားအနေနဲ့ ရှယ်ယာ ၂၅၀၀ လောက်သာ အရောင်းအ၀ယ်ရှိခဲ့ပါတယ်။ဇွန်လ ၁၆ရက်ဈေးတွေကတော့ FMI ရှယ်ယာ(၁)ခုကို ၁၄၅၀၀ကျပ်၊ MTSH ရှယ်ယာ(၁)ခုကို ၃၈၀၀ ကျပ်၊MCB ရှယ်ယာကတော့ ၉၂၀၀ကျပ် နဲ့ FPB ရှယ်ယာတစ်ခုက ၂၇၀၀၀ ကျပ်ဖြစ်တယ်လို့ သိရပါတယ်။ 
 
 

 

Related News