မြန်မာလယ်ယာဖွံဖြိုးရေးဘဏ်မှ လက်ရှိ ၂၀၁၇ - ၂၀၁၈ ဘဏ္ဍာနှစ်မှာ ပြီးခဲ့တဲ့ (၂၀၁၆-၂၀၁၇)ဘဏ္ဍာနှစ်ကထက် ငွေကျပ်ဘီလီယံ(၃၅၀) ပိုချေးသွားမှာဖြစ်တယ်လို့ သိရပါတယ်။ မြန်မာ့လယ်ယာဖွံ့ဖြိုးရေးဘဏ်အနေနဲ့ ၂၀၁၇ - ၂၀၁၈ ဘဏ္ဍာရေးနှစ်မှာ ရာသီအလိုက် စိုက်ပျိုးစရိတ်ချေးငွေတွေကို ထုတ်ချေးနေပြီဖြစ်ပြီး ဒီနှစ်အတွက် ရာသီအလိုက် စိုက်ပျိုးစရိတ်ချေးငွေ ကိုတော့ ငွေကျပ်ဘီလီယံ (၁၉၈၀) လျာထားတယ်လို့ မြန်မာ့လယ်ယာဖွံ့ဖြိုးရေးဘဏ်ကစာရင်းတွေအရ သိရပါတယ်။ ပြီးခဲ့တဲ့ ဘဏ္ဍာနှစ်က ရာသီအလိုက် စိုက်ပျိုးစရိတ်ချေးငွေကို ငွေကျပ်ဘီလီယံ ၁၆၃၀ သာချေးခဲ့ပေမယ့် ဒီနှစ်မှာတော့ မနှစ်ကထက်ငွေကျပ်ဘီလီယံ (၃၅၀) ပိုချေးပေးသွားမှာ ဖြစ်တယ်လို့ မြန်မာ့လယ်ယာဖွံ့ဖြိုးရေးဘဏ်မှ သိရပါတယ်။

စိုက်ပျိုးစရိတ်ချေးငွေအနေနဲ့ စပါးကိုတော့ တစ်ဧကစိုက်စရိတ်ချေးငွေတစ်သိန်း၊ချက်ကြံကိုတော့ တစ်ဧကကို ငွေကျပ်တစ်သ်ိန်းနှုန်းနဲ့ထုတ်ချေးမှာဖြစ်ပြီး အခြားသီးနှံတွေဖြစ်တဲ့ ပဲမျိုးစုံ ၊ နှမ်း ၊ ဂုံလျှော် ၊ ၀ါးစတဲ့ သီးနှံတွေကိုတော့ မနှစ်က တစ်ဧကကို ငွေကျပ်နှစ်သောင်းနှုန်းနဲ့ထုတ်ချေးပေးခဲ့ပြီး ဒီနှစ်မှာ တစ်ဧကကို ငွေကျပ်ငါးသောင်းနှုန်းနဲ့ထုတ်ချေးမှာဖြစ်တယ်လို့ သိရပါတယ်။ ဒါ့အပြင် မိုးချေးငွေအနေနဲ့လည်း မေလ(၂၃) ရက်ထဲကစတင်ထုတ်ချေးခဲ့တာဖြစ်ပြီး ပြီးခဲ့တဲ့ ဇွန်လ(၇)ရက်နေ့အထိ ငွေကျပ်ဘီလီယံ (၁၀၀)နဲ့ မြို့နယ်ပေါင်း (၂၁၈) မြို့နယ်ထုတ်ချေးပြီပြီလို့ သိရပါတယ်။အတိုးနှုန်းအနေနဲ့ ငွေကျပ်(၁၀၀)ကို (၁)နှစ်မှာ (၈)ရာခိုင်နှုန်းကောက်ခံမှာဖြစ်ပြီး (၁)လမှာ (၆၇)ပြားသာကျသင့်မှာဖြစ်ပါတယ်။

ချေးငွေထုတ်ချေးတဲ့ကာလအနေနဲ့ မိုးချေးငွေကို မေလကုန်မှ စက်တင်ဘာလအထိ၊ဆောင်းချေးငွေကို အောက်တိုဘာလမှ ဒီဇင်ဘာလအထိ၊ မိုးကြိုချေးငွေကိုတော့ ဇန်န၀ါရီလမှမတ်လအထိ သတ်မှတ်ထားတယ်လို့ သိရပါတယ်။ မြန်မာ့လယ်ယာဖွံ့ဖြိုးရေးဘဏ်အနေနဲ့ လက်ရှိမှာ စိုက်ပျိုးစရိတ်ချေးငွေတစ်ခုထဲကိုသာ ထုတ်ချေး နိုင်သေးတာဖြစ်လို့ နောင်ကာလတွေမှာတော့ မြန်မာ့လယ်ယာဖွံ့ဖြိုးရေးဘဏ်အနေနဲ့ တောင်သူတွေကို မြေယာပြုပြင်မှုကစပြီး ရိတ်သိမ်းခြွေလှေ့စက် ရောင်းချတဲ့အထိ supply chain တစ်ခုလုံးကို ချေးငွေအမျိုးအစားတွေထုတ်ချေးဖို့ ကြိုးစားနေတယ်လို့ သိရပါတယ်။ 

 

 

Related News