အသေးစားနှင့် အလတ်စားစီးပွားရေးလုပ်ငန်းတွေအတွက် CB ဘဏ်ကနေ ဂျာမနီနိုင်ငံKFW ဖွံ့ဖြိုးရေးဘဏ်နဲ့ပူးပေါင်းပြီး CB-Kfw  ချေးငွေသစ်ကို ထုတ်ချေးပေးသွားမယ်လို့သိရပါတယ်။ဂျာမနီအစိုးရအနေနဲ့ အသေးစားနဲ့ အလတ်စားလုပ်ငန်းတွေအတွက် ထောက်ပံ့ငွေအဖြစ် မြန်မာနိုင်ငံကို ယူရို ၄.၄၅ သန်းကို ပေးအပ်ခဲ့တာဖြစ်ပြီး စီမံကိန်းနှင့် ဘဏ္ဍာရေးဝန်ကြီးဌာနအနေနဲ့  မြန်မာ့စီးပွားရေးဘဏ်ကို လွှဲပြောင်းပေးခဲ့တာပါ။ မြန်မာစီးပွားရေးဘဏ်မှတဆင့် CB ဘဏ်ကို အတိုးနှုန်း(၃.၅)ရာခိုင်နှုန်းနဲ့ ပြန်လည်ထုတ်ချေးပေးခဲ့တာ ဖြစ်တယ်လို့သိရပါတယ်။

ရရှိတဲ့ချေးငွေ တွေကိုတော့ CB ဘဏ်အနေနဲ့ အသေးစားနှင့်အလတ်စားစီးပွားရေးလုပ်ငန်းတွေကို စီစစ်ပြီး အတိုးနှုန်း(၈.၅)ရာခိုင်နှုန်းကနေ (၁၃)ရာခိုင်နှုန်းအထိ ထုတ်ချေးပေးသွားမှာ ဖြစ်တယ်လို့ သိရပါတယ်။ဒီချေးငွေကို ချေးငွေသက်တမ်း (၁)နှစ်ကနေ(၅)နှစ်အထိ ကာလတိုနဲ့ကာလရှည်ချေးငွေ အမျိုးအစား (၂)မျိုးနဲ့ထုတ်ချေးပေးသွားမှာဖြစ်ပြီး မြန်မာကျပ်ငွေသိန်း (၁၀၀၀)အထိ ထုတ်ချေးပေး သွားမှာဖြစ်ပြီး လာမယ့်သြဂုတ်လကစတင်ပြီး ထုတ်ချေးပေးသွားမှာ ဖြစ်တယ်လို့ သိရပါတယ်။ CB  ဘဏ်အနေနဲ့ အသေးစားနှင့် အလတ်စားလုပ်ငန်းတွေအတွက် CB-SME-CGI စနစ်၊ CB-SME-JICA   စနစ်တွေနဲ့ပါ ချေးငွေတွေထုတ်ချေးပေးနေတာဖြစ်တယ်လို့သိရပါတယ်။

 

 

Related News