ယခု(၂၀၁၇-၂၀၁၈)ဘဏ္ဍာနှစ်ရဲ့ ပထမ(၂)လတာကာလအတွင်းပြည်ပကို လယ်ယာ ထွက်ကုန်ပစ္စည်းတန်ဖိုးအမေရိကန် ဒေါ်လာသန်း(၅၀၀)ကျော်ဖိုးတင်ပို့ရောင်းချပြီး ပြီဖြစ်တယ်လို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနရဲ့ စာရင်းဇယားတွေအရ သိရှိရပါတယ်။ဒီတန်ဖိုးဟာပြီးခဲ့တဲ့ဘဏ္ဍာနှစ်အလားတူ ကာလတန်ဖိုးထက် အမေရိကန်ဒေါ်လာ သန်း(၇၀)နီးပါးပိုများနေတာပါ။ လယ်ယာထွက်ကုန်ပစ္စည်းတင်ပို့ရောင်းချမှု တန်ဖိုးအားလုံးဟာ ပုဂ္ဂလိကကဏ္ဍကနေတင်ပို့ရောင်းချတာဖြစ်ပြီး အခုဘဏ္ဍာနှစ်(၂)လတာအတွင်း ပို့ကုန်တန်ဖိုး စုစုပေါင်းအမေရိကန်ဒေါ်လာ သန်း(၁၇၀၀)ကျော်အနက်လယ်ယာထွက်ကုန်ပစ္စည်းတင်ပို့မှုဟာ ဒုတိယအများဆုံးပြည်ပတင်ပို့တဲ့ကုန်ပစ္စည်းအုပ်စုအမျိုးအစားဖြစ်တယ်လို့လည်း သိရပါတယ်။

အခုဘဏ္ဍာနှစ်(၂)လတာအတွင်း အများဆုံးတင်ပို့ထားတဲ့ကုန်ပစ္စည်းအုပ်စုအမျိုးအစားကတော့ စက်မှုကုန်ချောပစ္စည်းတွေဖြစ်ပြီးတင်ပို့မှု တန်ဖိုးကတော့ အမေရိကန်ဒေါ်လာသန်း(၆၇၀)ကျော်အထိ ရှိနေတာပါ။ပြီးခဲ့တဲ့(၂၀၁၆-၂၀၁၇)ဘဏ္ဍာနှစ်မှာ မြန်မာနိုင်ငံအနေနဲ့ လယ်ယာထွက်ကုန်ပစ်္စည်းတန်ဖိုး အမေရိကန်ဒေါ်လာ သန်း(၂၉၀၀)ကျော်တင်ပို့ခဲ့ပြီး ၂၀၁၅-၂၀၁၆ ဘဏ္ဍာနှစ်ထက်အမေရိကန် ဒေါ်လာသန်း (၃၀၀)လောက်ပိုများခဲ့တာလည်း ဖြစ်ပါတယ်။ပြီးခဲ့တဲ့ဘဏ္ဍာနှစ်ကလယ်ယာထွက်ကုန်ပစ္စည်းတွေတန်ဖိုးရဲ့(၅၀)ရာခိုင်နှုန်းကျော်ကို နယ်စပ် ကုန်သွယ်မှုကနေ ရရှိခဲ့တာဖြစ်တယ်လို့လည်း သိရပါတယ်။ယခုဘဏ္ဍာနှစ်ပထမနှစ်လအတွင်း ကုန်သွယ်မှုအနေနဲ့မြန်မာနိုင်ငံအနေနဲ့ လယ်ယာထွက် ပစ္စည်းတွေ၊ တိရစ္ဆာန်ထွက်ပစ္စည်းတွေ၊ ရေထွက်ပစ္စည်းတွေ၊ သတ္ထုတွင်းထွက် ပစ္စည်းတွေအပြင် သစ်တောထွက်ပစ္စည်းတွေနဲ့စက်မှုကုန်ချောပစ္စည်းတွေကို ပြည်ပကို တင်ပို့ရောင်းချနေတာဖြစ်ပြီး စုစုပေါင်း ကုန်သွယ်မှုတန်ဖိုးဟာအမေရိကန်ဒေါ်လာသန်း(၄၄၀၀)ကျော်ဖိုးရှိနေပြီ ဖြစ်တယ်လို့ သိရပါတယ်။ 

 

 

Related News