ဆစ်ဒနေနှင့် မဲလ်ဘုန်းတို့သည် သြစတြေးလျနိုင်ငံ၏ မြို့ကြီး ၂ မြို့ဖြစ်သည့် ဆစ်ဒနေနှင့် မဲလ်ဘုန်းတို့သည် အပူချိန် ၅၀ ဒီဂရီဆဲလ်စီးယပ်စ် ရှိသည့် ပူလောင်အိုက်စပ်သည့် နေ့ရက်များကိုလာမည့် ၂၀၄၀ နှင့် ၂၀၅၀ တို့တွင် ခံစားနိုင်ရဖွယ်ရှိသည်ဟုသုတေသီများကပြောကြားခဲ့ကြောင်းသိရသည်။

သိပံပညာရှင်များ၏ ပြောကြားချက်အရအကယ်၍ ပဲရစ်ရာသီဥတုဆိုင်ရာသဘောဘာတူညီချက်အရတစ်ကမ္ဘာလုံးအပူချိန်ကို ၂ ဒီဂရီဆဲလ်စီးယပ်စ် အထိလျှော့ချနိုင်မည်ဆိုသည်ပင်လျှင်  ဆစ်ဒနေနှင့် မဲလ်ဘုန်းတို့သည် နွေရာသီများတွင် ပူလောင်အိုက်စပ်မှုဒဏ်ကိုအသေအချာခံစားရမည်ဖြစ်ကြောင်းသိရသည်။

အဆိုပါ သုတေသနသည် ဗစ်တိုးရီးယားပြည်နယ်နှင့် နယူးစောက်သ်ဝေးလ် ပြည်နယ်များအတွက် စမ်းစစ်လေ့လာခန့်မှန်းထားခြင်းဖြစ်သော်လည်းသြစတြေးလျနိုင်ငံ၏ ကျန်နေရာဒေသများတွင်လည်းအပူချိန်မြင့်တက် လာနိုင်ဖွယ် ရှိသည်ဟုသုတေသီများကပြောကြားခဲ့ကြောင်းသိရသည်။

သြစတြေးလျ၏ ပြီးခဲ့သည့်နွေရာသီအပူချိန်သည် စံချိန်တင်ခဲ့ပြီး ၎င်း၏ဆောင်ရာသီသည်လည်းပူနွေးဆုံးအဖြစ် မှတ်တမ်း ၀င်ခဲ့ကြောင်း သိရသည်။၂၀၁၃ ခုနှစ်၌ ဆစ်ဒနေ၏ အပူချိန်သည် ၄၅.၈ ဒီဂရီဆဲလ်စီးယပ်စ်အထိစံချိန်တင်ရောက်ရှိခဲ့ပြီး ၂၀၀၉ ခုနှစ်တွင် မဲလ်ဘုန်း၏ အပုချိန်သည် ၄၆.၄ ဒီဂရီဆဲလ်စီးယပ်စ်အထိရောက်ရှိခဲ့ခြင်းဖြစ်သည်။

ပြီးခဲ့သည့် စက်တင်ဘာလတွင်လည်း သြစတြေးလျအစိုးရမှ ၂၀၁၇-၁၈ ခုနှစ်အတွက် အန္တရာယ်ရှိသည့် တောမီးများလောင်ကျွမ်းမှုအတွက် ပြင်ဆင်ထားကြရန် သြစေတြးလျနိုင်ငံသားများအားသတိပေးချက်ထုတ်ပြန်ခဲ့ကြောင်းသိရသည်။

 

 

Related News