ဟာရီကိန်းမုန်တိုင်းအာမာဟာ အမေရိကန်နိုင်ငံ၊ ဖလော်ရီဒါပြည်နယ် အနောက်ဘက် ကမ်းခြေဒေသကို ဒေသစံတော်ချိန် စက်တင်ဘာ(၁၀)ရက် ညနေပိုင်းမှာဝင်ရောက်တိုက်ခတ်ခဲ့ပြီး မုန်တိုင်းကြောင့် သေဆုံးသူ(၃)ဦးရှိခဲ့တယ်လို့ ပြည်နယ် အုပ်ချုပ်ရေးအရာရှိတွေကပြောပါတယ်။ ဟာရီကိန်းမုန်တိုင်းရဲ့အားအပြင်းဆုံးအပိုင်းဟာ အမေရိကန်ပြည်ထောင်စုဖလော်ရီဒါပြည်နယ်ရဲ့ အနောက်ဘက်ကမ်းခြေကို ၀င်ရောက်တိုက်ခတ်ခဲ့ပါတယ်။ မုန်တိုင်းကြောင့်လှိုင်းအမြင့်ဟာ (၁၅)ပေလောက်အထိမြင့်တက်လာနိုင်တယ်လို့ အမေရိကန်အာဏာပိုင်တွေက သတိပေးချက် ထုတ်ပြန်ထားပါတယ်။ မုန်တိုင်းဟာ ဖလော်ရီဒါပြည်နယ်အနောက်ပိုင်းက မာကိုကျွန်းမှာ လေတိုက်နှုန်းတစ်နာရီကို မိုင်(၁၂၀)လောက်အထိ တိုက်ခတ်ခဲ့တာပါ။ လက်ရှိမှာ ဟာရီကိန်းမုန်တိုင်း အာမာကို မုန်တိုင်းသတ်မှတ်ချက်အဆင့်(၃)ကနေ အဆင့်(၂)အဖြစ် အမေရိကန်ဟာရီကိန်းစင်တာက အဆင့်လျော့ချ သတ်မှတ်ခဲ့ပြီ ဖြစ်ပါတယ်။ မုန်တိုင်းကြောင့် သေဆုံးသူ(၃)ဦးရှိခဲ့ပါတယ်။ မုန်တိုင်းနောက်ဆက်တွဲအနေနဲ့ ဖလော်ရီဒါပြည်နယ်က အိမ်ခြေ (၃)ဒဿမ(၄)သန်းကျော်မှာ လျှပ်စစ်ဓာတ်အားပြတ်တောက်နေပြီး ပြည်နယ်တွင်းက မီယာမီမြို့ရဲ့ တချို့နေရာတွေမှာ ရေမြုပ်နေပါတယ်။ ဖလော်ရီဒါပြည်နယ်ကို သဘာဝဘေးအန္တရာယ်ခံဒေသအဖြစ်ကြေညာဖို့နဲ့ ပြည်ထောင်စုအစိုးရက အရေးပေါ်ကယ်ဆယ်ရေးရန်ပုံငွေထုတ်ပေးဖို့ အမေရိကန်သမ်္မတ ဒေါ်နယ်ထရမ့်က ခွင့်ပြုလိုက်ပါတယ်။ လက်ရှိမှာမုန်တိုင်းဟာ ဂျော်ဂျီယာပြည်နယ်ဘက်ကို ဦးတည်နေပြီး မုန်တိုင်းဟာ စက်တင်ဘာလ(၁၁)ရက်မှာ အပူပိုင်းမုန်တိုင်းအဖြစ်အားပျော့သွား ဖွယ်ရှိတယ်လို့အမေရိကန်အမျိုးသားဟာရီကိန်းစင်တာက ခန့်မှန်းထားပါတယ်။ 
 
 
 

Related News