အသက်(၂၇)နှစ်အရွယ် အမေရိကန်ဂေါက်ကစားသမား ပက်ထရစ်ရိဟာ အဓိကဂေါက်ပြိုင်ပွဲ(၄)ခု ထဲမှ တစ်ခုအပါအ၀င်ဖြစ်တဲ့ Masters Tournement အပြိုင်ပွဲမှာ ဗိုလ်စွဲခဲ့ပြီး ကစားသမားဘ၀ ပထမဆုံးအဓိက ပြိုင်ပွဲမှာ ဗိုလ်စွဲခဲ့ပါတယ်။ယခုနှစ်Masters Tournement အပြိုင်ပွဲဟာ ဧပြီလ(၅)ရက်နေ့ကနေ (၈)ရက်နေ့ထိ အမေရိကန်နိုင်ငံ ဂျော်ဂျီယာပြည်နယ်မှာရှိတဲ့ အော်ဂတ်စတာ နေရှင်နယ်ဂေါက်ကလပ်မှာ ကျင်းပခဲ့ပြီး နာမည်ကျော်ကစားသမား အစုံအလင်နဲ့ အကြိတ်အနယ်ရှိတဲ့ ပြိုင်ပွဲဖြစ်ခဲ့ပါတယ်။ ဗိုလ်စွဲနိုင်ခဲ့တဲ့ ပက်ထရစ်ရိဟာ သတ်မှတ်ရိုက်ချက်ထက် (၁၅)ချက်လျော့ရိုက်ပြီးရိုက်ချက်(၂၇၃)ချက်နဲ့ ဒုတိယနေရာမှ ရော်ဘီဖောင်လာကို (၁)ချက်အသာနဲ့ကျော်ဖြတ်ကာ ဗိုလ်စွဲခဲ့ပါတယ်။

အခုလိုဗိုလ်စွဲမှုဟာ ပက်ထရစ်ရိအတွက် ကစားသမားဘ၀(၇)နှစ်တာကာလအတွင်းမှာ ပထမဆုံးအဓိကပြိုင်ပွဲမှာဗိုလ်စွဲမှုဖြစ်ပြီး ယခင်က (၂၀၁၇)PGA Championship ပြိုင်ပွဲမှာသာ ဒုတိယရရှိခဲ့ပါ တယ်။ ပက်ထရစ်ရိဟာ ပထမနေ့မှာ လျော့ရိုက်ချက်(၃)ချက်၊ ဒုတိယနေ့မှာ (၆)ချက်၊ တတိယနေ့မှာ (၅)ချက်နဲ့ နောက်ဆုံးနေ့မှာ (၁)ချက်လျော့ရိုက်ပြီး စုစုပေါင်း(၁၅)ချက်ထိလျော့ရိုက်ချက်ရယူခဲ့တာဖြစ်ပါတယ်။ ဒုတိယနေ ရာမှာရပ်တည်ခဲ့တဲ့ ရော်ဘီဖောင်လာဟာ တတိယနေ့နဲ့ နောက်ဆုံးနေ့ (၂)ရက်ပေါင်းလျော့ရိုက်ချက် (၁၂)ချက် ထိရှိခဲ့ပေမယ့် ရှေ့(၂)ရက်မှာ (၂)ချက်သာလျော့ရိုက်ခဲ့တာကြောင့် ချန်ပီယံဆုနဲ့ လွဲချော်ခဲ့ရပါတယ်။

အဆိုးရွားဆုံးကတော့ နာမည်ကျော်ကစားသမား မက်အိရွိုင်းဖြစ်ပြီး တတိယနေ့ထိ လျော့ရိုက်ချက် (၁၁)ချက်ရှိခဲ့ပေမယ့် နောက်ဆုံးနေ့မှာ (၂)ချက်ပိုရိုက်ပြီး စုစုပေါင်းရိုက်ချက်(၉)ချက်နဲ့ အဆင့်(၅)နေရာနဲ့ ကျေနပ်လိုက်ရပါတယ်။Masters Tournement အပြိုင်ပွဲဟာ ယခုနှစ်မှာ (၈၂)ကြိမ်မြောက် ကျင်းပတာဖြစ်ပြီး နာမည်ကျော်ကစားသမား တိုက်ဂါးဝုဒ် တကျော့ပြန်ပါဝင်မှုနဲ့အတူ ပရိသတ်စိတ်ဝင်စားမှုမြှင့် တက်ခဲ့ပါတယ်။ ယခုနှစ်အတွက် ဆုကြေးငွေစုစုပေါင်း အမေရိကန်ဒေါ်လာ(၁၁)သန်းချီးမြင့်ခဲ့ပြီး ဗိုလ်စွဲနိုင်ခဲ့တဲ့ ပက်ထရစ်ရိက ဆုကြေးငွေ(၁.၉၈)သန်းရရှိခဲ့ပါတယ်။ 

 

 

Related News