ပီအက်စ်ဂျီအသင်းတိုက်စစ်မှူးနေမာဟာ (၂၀၁၇)ခုနှစ်အတွက် ပေးအပ်ချီးမြင့်ခဲ့တဲ့ Samba d'Or ဆု၊ ဥရောပတိုက်မှ တစ်နှစ်တာအကောင်းဆုံး ဘရာဇီးကစားသမားဆုကို ရရှိခဲ့တယ်လို့ သိရပါတယ်။နေမာဟာ (၂၀၁၇)ခုနှစ်အတွက် ပေးအပ်ချီးမြင့်ခဲ့တဲ့Samba d'Or ဆုအတွက် လီဗာပူးမှ ကော်တင်ဟို၊ ရီးယဲ မက်ဒရစ်မှ မာဆယ်လိုတို့နဲ့အပြိုင်ရေပန်းစားခဲ့တာဖြစ်ပါတယ်။ Samba d'Or  ဆု၊ ဥရောပတိုက်မှ တစ်နှစ်တာ အကောင်းဆုံး ဘရာဇီးကစားသမားဆုဟာ ပရိသတ်၊ ကစားသမား ဟောင်းတွေနဲ့ ဂျာနယ်လစ်တွေကမဲပေးရွေချယ်တဲ့ဆုဖြစ်ပြီး နေမာက မဲရာခိုင်နှုန်းအများဆုံးနဲ့ ရရှိခဲ့တာ ဖြစ်ပါတယ်။
 
နေမာဟာမဲရာခိုင်နှုန်း (၂၇.၇၁)ရာခိုင် နှုန်းနဲ့ဒီဆုကိုရရှိခဲ့ပြီး၊ နေမာရဲ့နောက်မှာ ကော်တင်ဟိုက မဲရာခိုင်နှုန်း (၁၆.၆၄)ရာခိုင်နှုန်းနဲ့ဒုတိယ၊ မာဆယ်လို က(၁၄.၄၃)ရာခိုင်နှုန်းနဲ့ တတိယနေရာမှာရပ်တည်ခဲ့ပါတယ်။ နေမာအနေနဲ့ ဒီဆုကိုရရှိခဲ့တာဟာ ကစားသမား ဘ၀တစ်လျောက် (၃)ကြိမ်မြောက်ရရှိခဲ့ခြင်းဖြစ်ပြီး ယခုနှစ်အပါအ၀င် (၂၀၁၄)ခုနှစ်နဲ့ (၂၀၁၅)ခုနှစ်တို့မှာရရှိ ထားတာဖြစ်ပါတယ်။Samba d'Or  ဆုဟာ (၂၀၀၈)ခုနှစ်ကတည်းက စတင်ပေးအပ်ခဲ့တဲ့ဆုဖြစ်ပြီး ကစား သမားဘ၀မှအနားယူသွားခဲ့ပြီဖြစ်တဲ့ ကာကာ က ဒီဆုကိုပထမဆုံးရရှိခဲ့သူဖြစ်ပါတယ်။
 
 
 

Related News