အန်သိုနီဂျော့ရွှတ်အနေဖြင့် ကမ္ဘာ့ဟဲဗီဝိတ်ချန်ပီယံဘွဲ့အား ကာကွယ်ရာတွင် ကြုံတွေ့နေရသည့် ဖိအားများကိုအကောင်းဆုံးထိန်းကျောင်းစီမံနိုင်မှသာလျှင် မေ၀ယ်သာနှင့် မက်ဂရီဂေါတို့ကဲ့သို့ ကမ္ဘာ့ထိပ်တန်းလက်ဝှေ့ သမားအဖြစ် အသိအမှတ်ပြုခံရမည်ညဖြစ်ကြောင်း ဟဲဗီးဝိတ်ချန်ပီယံဟောင်းမိုက်တိုင်စန်က အကြံပြုပြောကြားလိုက် သည်ဟုသိရှိရသည်။ ပြီးခဲ့သည့်မေလကကလစ်ခ်ျကိုအားအနိုင်ထိုးကာ ဟဲဗီးဝိတ်ချန်ပီယံဘွဲ့အား ရရှိခဲ့သူအန်သိုနီဂျော့ရွှတ်နှင့် ပတ်သက်ပြီး  ဟဲဗီးဝိတ်ချန်ပီယံဘွဲ့အား ရေရှည်ထိန်းသိမ်းထားနိုင်ရန်အတွက် ကြိုးပမ်းရခြင်းကပို၍အရေး ကြီးသလိုခက်ခဲကြောင်းမိုက်တိုင်စန်ကအကြုံပြလိုက်ခြင်းဖြစ်သည်။

မိုက်တိုင်စန်က ၄င်းအနေဖြင့် ဂျော့ရွှတ်၏ အရည် အချင်းနှင့် စွမ်းဆောင်နိုင်ရည်တို့အပေါ် သံသယကင်းကင်းယုံကြည်သော်လည်း ကမ္ဘာ့ဟဲဗီးဝိတ်ချန်ပီယံဖြစ်လာသည်နှင့် တပြိုင်နက် ကြုံတွေ့လာရသည့် စိမ်ခေါ်မှုများ၊ ဖိအားများနှင့် အခြားအရှုပ်အထွေးများအားအကောင်းဆုံးထိန်းကျောင်းစီမံနိုင်မှသာကာလကြာရှည်အောင်ပွဲဆင်နိုင်မည်ဖြစ်ကြောင်းအကြံဥာဏ်ကောင်းပေးလိုက်ခြင်းဖြစ်သည်။ 

 

 

Related News