(၂၀၁၈)ခုနှစ်၊ ဒီဇင်ဘာလမှာကျင်းပခဲ့တဲ့ ကွန်ဂိုဒီမိုကရက်တစ်သမ္မတနိုင်ငံရဲ့သမ္မတရွေးကောက်ပွဲမှာ ထောက်ခံမဲ(၇)သန်းနဲ့ အ တိုက်အခံခေါင်းဆောင် ဖီလစ် ရှီစီကီဒီ အနိုင်ရခဲ့တယ်လို့ ကွန်ဂိုရွေးကောက်ပွဲကော်မရှင်ကပြောပါတယ်။ ရှီစကီဒီနဲ့ နောက်မှာ ထောက်ခံမဲ(၆.၄)သန်းရထားတဲ့ နောက်ထပ်အတိုက်အခံကိုယ်စားလှယ် မာတင် ဖာယူလူ၊ ထောက်ခံမဲ (၄.၄)သန်းနဲ့ အာဏာရ ညွန့်ပေါင်းပါတီက အီမန်နျူရယ် ရှဒရီတို့ရှိနေပါတယ်။ ကွန်ဂိုနိုင်ငံရဲ့ လက်ရှိသမ္မတ ဂျိုးဆက် ကာဘီလာဟာ ကွန်ဂိုနိုင်ငံကို (၁၈)နှစ်လောက်အုပ်ချုပ်ခဲ့ပြီးနောက် သမ္မတအဖြစ်က နှုတ်ထွက်ခဲ့ပါတယ်။ ရွေးကောက်ပွဲရလဒ်တွေကို ဇန်န၀ါရီလ(၆)ရက်မှာ ကြေညာဖို့ အစောပိုင်းမှာခန့်မှန်းခဲ့ကြပေမဲ့ ဇန်န၀ါရီလ(၁၀)ရက်ဒီနေ့မှာ မဲရလဒ်တွေကို ကွန်ဂိုရွေးကောက်ပွဲကော်မရှင်ကကြေ ညာခဲ့တာပါ။ ကွန်ဂိုနိုင်ငံထဲက မဲပေးခွင့်ရှိသူတွေထဲက (၄၈)ရာခိုင်နှုန်းမဲလာပေးပြီး မဲ(၃၈.၅)ရာခိုင်နှုန်းကို ရှီစကီဒီ ရထားတယ် လို့ ရွေးကောက်ပွဲကော်မရှင် ဥက္ကဌကကြေညာခဲ့ပါတယ်။

 

 

Related News