ကတ်တလိုးနီးယားဒေသခွဲထွက်ရေးအတွက် လူထုဆန္ဒခံယူပွဲ တစ်နှစ်ပြည့်နေ့အထိမ်းအမှတ်အနေနဲ့ အောက်တိုဘာလ (၁)ရက်က ဒေသခံတွေကဆန္ဒပြခဲ့ကြတာကြောင့် ဆန္ဒပြသူတွေ နဲ့ရဲတွေအဓိကရုဏ်းဖြစ်ပွားခဲ့ပါတယ်။ကတ်တလိုးနီးယားဒေသမှာရှိတဲ့ စပိန်အမျိုးသားရဲဌာနချုပ်ရှေ့မှာ အောက်တိုဘာလ(၁)ရက်က ခွဲထွက်ရေးလိုလားသူတွေ ဆန္ဒ ပြခဲ့ကြတာကြောင့် ကတ်တလန်ရဲတပ်ဖွဲ့ကလူစုခွဲခဲ့ပါတယ်။ စပိန်အစိုးရကအသိအမှတ်မပြုတဲ့ ကတ်တလိုးနီးယားဒေသ ခွဲထွက် ရေးလူထုဆန္ဒခံယူပွဲတစ်နှစ်ပြည့်အထိမ်းအမှတ်အနေနဲ့ ကတ်တလိုးနီးယားရင်ပြင်ကနေ စပိန်ရဲဌာနချုပ်ရှေ့အထိ လူဒါဇင်ချီ ဆန္ဒ ပြခဲ့တာပါ။

ဆန္ဒပြသူတွေကနီးစပ်ရာအရာဝတ္ထုတွေနဲ့ စတင်ပစ်ပေါက်ခဲ့ကြပြီး အဆောက်အအုံကိုရဲတပ်ဖွဲ့ဝင် တွေက စောင့်ကြပ် နေတယ်လို့ သိရပါတယ်။ မိနစ်အနည်းငယ်ကြပြီးနောက် ကတ်တလိုးနီးယားရဲဌာနက ဗင်ကားတွေဆန္ဒပြ နေတဲ့ နေရာကိုရောက် လာခဲ့ပြီး ဆန္ဒပြသူတွေကိုလူစုခွဲဖို့ ရဲတပ်ဖွဲ့ဝင်တွေကလုပ်ဆောင်ခဲ့ပါတယ်။ တချိန်ထဲမှာပဲ ရဲတပ်ဖွဲ့ကို ပြန်ဖိအားပေးနိုင်ရေးအ တွက် ကတ်တလန်လွှတ်တော်ရုံးရှေ့မှာ တချို့အကြမ်းဖက်ဆန္ဒပြသူတွေစုဝေးခဲ့ပြီး အဆောက်အအုံ ရဲ့ အဓိက၀င်ပေါက်နေရာ အထိရောက်ရှိခဲ့ပါတယ်။ နောက်ဆုံးမှာတော့ ဒေသရဲတပ်ဖွဲ့ကဆန္ဒပြသူတွေကိုလူစုခွဲနိုင်ခဲ့ပါတယ်။

 

 

Related News