ဇွန်လ(၂၄)ရက်မှာကျင်းပမယ့်တူရကီရွေးကောက်ပွဲအတွက် ပြည်ပရောက်တူရကီနိုင်ငံသားတွေရဲ့ကြိုတင်မဲတွေကို တူရကီနိုင်ငံ ကိုလေယာဉ်နဲ့ပြန်သယ်လာပြီး တူရကီကုန်သည်များအသင်းချုပ်က "ကွန်ဂရက်စီယမ်"ခန်းမမှာ ထိန်းသိမ်းထားပါတယ်။ လာမယ့် သမ္မတရွေးကောက်ပွဲနဲ့ အထွေထွေရွေးကောက်ပွဲတို့အတွက် နိုင်ငံပေါင်း(၆၀)ကျော်မှာရှိတဲ့ ပြည်ပရောက်တူရကီနိုင်ငံသား(၁.၅) သန်းနီးပါးက မဲရုံ(၁၂၃)ရုံမှာ ကြိုတင်မဲပေးခဲ့ကြပါတယ်။

နိုင်ငံခြားမှာ ကြိုတင်မဲပေးမှုတွေပြီးဆုံးခဲ့ပြီးနောက် မဲတွေကိုအားလုံးကို ချိတ်ပိတ်ပြီး တူရကီနိုင်ငံမြို့တော်"အန်ကာရာ"ကို ပြန်သယ်လာခဲ့တာပါ။ မဲစာရွက်တွေရှိနေတာကြောင့် "ကွန်ဂရက်စီယမ်"ခန်းမကို လုံခြုံရေးတိုးမြှင့်ထားပြီး မဲပုံးတွေကိုလည်း သော့(၅)ဆင့်ခတ်ထားပါတယ်။ သော့(၅)ဆင့်စလုံးကို တစ်ပြိုင်နက်မဖွင့်ဘူးဆိုရင် သော့တွေပွင့်လာမှာမဟုတ်ဘူးလို့သိရပါတယ်။

ပါတီတွေရဲ့ကိုယ်စားလှယ်တွေက သော့တွေကိုင်လာရမှာဖြစ်ပါတယ်။ နိုင်ငံခြား ကနေသယ်လာတဲ့မဲပုံးတွေကို တူရကီရွေးကောက်ပွဲကော်မတီချုပ်ကို လွှဲပြောင်းပေးရမှာပါ။ မဲပုံးတွေလွှဲပြောင်းချိန်မှာ ပါတီကိုယ် စားလှယ်တွေက  ရွေးကောက်ပွဲကော်မတီမှာ ရှိနေမှာပါ။ 

 

 

 

Related News