ထိုင်းနိုင်ငံမှာ နိုင်ငံတကာစံနှုန်းတွေနဲ့ကိုက်ညီတဲ့ လွတ်လပ်မျှတတဲ့ရွေးကောက်ပွဲတစ်ရပ်ဖြစ်လာရေးနဲ့ နိုင်ငံရေးပါတီတွေနဲ့ပတ် သက်ပြီး တင်းကြပ်မှုတွေကို ဖြေလျော့ပေးရေးတို့အတွက် ဗြိတိန်ဝန်ကြီးချုပ်ထရီစာ မေကတိုက်တွန်းခဲ့တယ်လို့ ဗြိတိန်ဘက်က သတင်းထုတ်ပြန်ပါတယ်။ ဇွန်လ(၂၁)ရက်က ၀န်ကြီးချုပ်မေနဲ့ ထိုင်းဝန်ကြီးချုပ်ပရာရွတ် ချန်အိုချာတို့ ဗြိတိန်နိုင်ငံမြို့တော်လန်ဒန် မှာတွေ့ဆုံချိန်မှာ ပြောခဲ့တာပါ။ 

ခေါင်းဆောင်(၂)ဦးတွေ့ဆုံချိန်မှာဆွေးနွေးခဲ့တာက လာမယ့်ထိုင်းရွေးကောက်ပွဲအတွက် ပြင်ဆင် မှုတွေအပါအ၀င် ထိုင်းနိုင်ငံရဲ့နိုင်ငံရေးတိုးတက်မှုတွေကို ဦးတည်ဆွေးနွေးခဲ့တယ်လို့ ထိုင်းအစိုးရဘက်ကပြောပါတယ်။ လာမယ့် (၂၀၁၉)ခုနှစ်အစောပိုင်းမှာ ကျင်းပမယ့်ထိုင်းရွေးကောက်ပွဲအတွက် ကြိုတင်ပြင်ဆင်နေတယ်လို့ ၀န်ကြီးချုပ်ပရာရွတ်ကပြောပါ တယ်။ အခုခရီးစဉ်မှာ ဗြိတိန်နဲ့ထိုင်းနိုင်ငံတို့ကြား စီးပွားရေးအရဆက်ဆံမှုတွေပိုးတိုးသွားဖို့လည်း မျှော်လင့်နေတယ်လို့ ပရာရွတ် ကပြောခဲ့ပါတယ်။

အစွန်းရောက်တွေနဲ့ ဆိုက်ဘာလုံခြုံရေးကိစ္စရပ်တွေလို နိုင်ငံတကာလုံခြုံရေးကိုထိခိုက်စေတဲ့စိန်ခေါ်မှုတွေကို ပူးပေါင်းဖြေရှင်းသွားဖို့လည်း ခေါင်းဆောင်(၂)ဦးကသဘောတူခဲ့ပါတယ်။ စီးပွားရေးပူးပေါင်းဆောင်ရွက်မှုတွေကို ဆွေးနွေးဖို့ ခေါင်းဆောင်(၂)ဦးရဲ့ဆွေးနွေးမှုထဲ (၂)နိုင်ငံကစီးပွားရေးဝန်ကြီးတွေလည်းပါဝင်ခဲ့ပါတယ်။ ခေါင်းဆောင်(၂)ဦးတွေ့ဆုံနေချိန်မှာ ပရာရွတ်ကို ထောက်ခံသူတွေရော၊ ဆန့်ကျင်သူတွေရောက ဗြိတိန်ဝန်ကြီးချုပ်ရုံးရှိတဲ့ဒေါင်းနင်းလမ်းမှာ စုဝေးခဲ့ကြပါတယ်။ 

 

 

 

 

Related News