ထိုင်းနိုင်ငံကနေထွက်ပြေးခဲ့တဲ့ဝန်ကြီးချုပ်ဟောင်း သက်ဆင်ရှင်နာဝပ်ထရာကို နိုင်ငံကူးလက် မှတ်ပြန်ထုတ်ပေးခဲ့တဲ့ နိုင်ငံခြားရေးဝန်ကြီးဟောင်းကို ထိုင်းအုပ်ချုပ်ရေးတရားရုံးက ထောင်ဒဏ်(၂)နှစ်ချမှတ်လိုက်ပါတယ်။ 

ထိုင်းနိုင်ငံခြားရေးဝန်ကြီးဟောင်းစူရာပေါင်တိုဗီချာချီကူ(လ်)ဟာ (၂၀၁၁)ခုနှစ်ကထွက်ပြေးတိမ်းရှောင်နေတဲ့ ထိုင်းဝန်ကြီးချုပ် ဟောင်းသက်ဆင် ရှင်နာဝပ်ထရာကို နိုင်ငံကူးလက်မှတ်ထုတ်ပေးခဲ့တဲ့အတွက် ထောင်ဒဏ်(၂)နှစ်ကျခံခဲ့ရပါတယ်။ စူရာပေါင်က နိုင်ငံခြားရေးဝန်ကြီးဌာနရဲ့နိုင်ငံကူးလက်မှတ်ထုတ်ပေးရေးစည်းမျဉ်းတွေကိုချိုးဖောက်တယ်လို့ ထိုင်းအုပ်ချုပ်ရေးတရားရုံးကပြော ပါတယ်။ သက်ဆင်က ထောင်ဒဏ်ချမှတ်ခံထားရပြီး တခြားရာဇ၀တ်မှုတွေအတွက်သံသယရှိနေပေမဲ့ နိုင်ငံကူးလက်မှတ်သစ်နဲ့ တခြားနိုင်ငံတွေကိုသွားရောက်နိုင်ခဲ့ပါတယ်။

သက်ဆင်ရဲ့နိုင်ငံကူးလက်မှတ်သစ်က ထိုင်းနိုင်ငံရဲ့ တရားရေးစနစ်ရဲ့ဂုဏ်သိက္ခာ ကိုထိခိုက်စေတယ်လို့လည်း တရားရုံးကပြောပါတယ်။ သက်ဆင်ထွက်ပြေးပြီးနောက် နိုင်ငံခြားမှာရောက်နေတဲ့သက်ဆင်ရဲ့လုပ် ရပ်တွေက နိုင်ငံကိုထိခိုက်စေတယ်လို့ ယူဆခဲ့တဲ့ထိုင်းဝန်ကြီးချုပ်ဟောင်း အဘီဆစ်ဗီဂျာဂျီဗာက သက်ဆင်ရဲ့နိုင်ငံကူးလက်မှတ် ကို (၂၀၀၈)ခုနှစ်မှာ ပြန်ရုတ်သိမ်းခဲ့ပါတယ်။

သက်ဆင်ကိုထောက်ခံတဲ့သူဖြစ်ပြီး ဆွေရိပ်မျိုးရိပ်မကင်းတဲ့ စူရာပေါင်က (၂၀၁၁) ခုနှစ်မှာ သက်ဆင်ရဲ့နိုင်ငံကူးလက်မှတ်ကို ပြန်ထုတ်ပေးဖို့ နိုင်ငံခြားရေးဝန်ကြီးဌာနကို ညွှန်ကြားခဲ့ပါတယ်။ ဒါ့ကြောင့် စူရာပေါင် ကို ပြီးခဲ့တဲ့နှစ်မှာ နိုင်ငံခြားရေးဝန်ကြီးအဖြစ်ကနေ ထုတ်ပယ်ခဲ့ပြီး နိုင်ငံရေးလုပ်ခွင့်(၅)နှစ်ပိတ်ပင်ဖို့ ထိုင်းအမျိုးသားလွှတ်တော် ကထုတ်ပြန်ခဲ့ပါတယ်။

 

 

 

 

Related News