ယီမင်နိုင်ငံက ဟူသီခွဲထွက်ရေးသမားတွေ ခြေကုပ်ယူထားတဲ့ ဟူဒေးဒါလေဆိပ်ကို ယီမင်အစိုးရလိုလားတဲ့တပ်ဖွဲ့တွေက ဇွန်လ(၁၉)ရက်မှာ စီး နင်းခဲ့ပါတယ်။ ဇွန်လ(၁၉)ရက်မှာ ယီမင်ခွဲထွက်ရေးသမားတွေခြေကုပ်ယူထားတဲ့ ဟူဒေးဒါလေဆိပ်ကို အာရပ်စော်ဘွားများပြည်ထောင်စု (U.A.E)က ကျောထောက်နောက်ခံပေးထားတဲ့ ယီမင်အစိုးရလိုလားတဲ့တပ်ဖွဲ့တွေက စီးနင်းခဲ့တာကြောင့် လေဆိပ်ရဲ့ အစိတ်အပိုင်းတော်တော်များများကို ပြန်သိမ်းနိုင်ခဲ့ပြီး ဟူသီခွဲထွက်ရေးသမားဒါဇင်ချီသေဆုံးခဲ့တယ်လို့ (U.A.E)နိုင်ငံပိုင်ဝမ်သတင်းဌာန ကဖော်ပြပါတယ်။

ဟူဒေးဒါမြို့နဲ့ဆိပ်ကမ်းကို ပြန်သိမ်းနိုင်ဖို့ ဇွန်လ(၁၃)ရက်ကတည်းက ယီမင်အစိုးရလိုလားတဲ့တပ်ဖွဲ့တွေက ထိုး စစ်ဆင်ခဲ့တာပါ။ (၂၀၁၅)ခုနှစ်အစောပိုင်းမှာ ဟူသီတွေက ယီမင်နိုင်ငံမြို့တော် ဆာနာအပါအ၀င် နိုင်ငံအနောက်ပိုင်းနေရာတော် တော်များများကို ဟူသီတွေသိမ်းပိုက်ခဲ့ပြီး ယီမင်သမ္မတအက်ဘ်ဒရာဘာ မန်ဆောဟာဒီကို နိုင်ငံထဲကနေထွက်ပြေးစေဖို့ တွန်း အားပေးခဲ့ပြီးနောက် အငတ်ဘေးကြုံနေရတဲ့ယီမင်နိုင်ငံသား(၈.၄)သန်းအတွက် လူသားချင်းစာနာထောက်ထားမှုဆိုင်ရာအကူအ ညီတွေကို ဟူဒေးဒါဆိပ်ကမ်းကတစ်ဆင့်ပို့ဆောင်နေပါတယ်။

အခုရက်ပိုင်းမှာဖြစ်နေတဲ့ တိုက်ပွဲတွေကြောင့် အကူအညီတွေဖြန့် ဝေရာမှာ အဟန့်အတားတွေဖြစ်နိုင်တယ်လို့ စိုးရိမ်နေကြပါတယ်။ (၂၀၁၄)ခုနှစ်ကတည်းကစတင်ခဲ့တဲ့ ယီမင်ပြည်တွင်းစစ် ကြောင့် လူ(၁၀၀၀၀)နီးပါးသေဆုံးခဲ့တဲ့အပြင် နောက်ထပ်လူ(၅၅၀၀၀)ဦး ဒဏ်ရာရခဲ့ပြီး သေဆုံးသူတွေထဲက လူ(၆၆၀၀)ကျော်က အရပ်သားတွေဖြစ်တယ်လို့ ကုလသမဂ္ဂရဲ့စာရင်းတွေအရသိရပါတယ်။ 

 

 

Related News