လာမယ့်(၁၄)ကြိမ်မြောက်မလေးရှားရွေးကောက်ပွဲဟာ နိုင်ငံသားအားလုံးရဲ့ အနာဂတ်ကို ဆုံးဖြတ်ပေးမယ့် ရွေးကောက်ပွဲဖြစ် တယ်လို့ မလေးရှားဝန်ကြီးချုပ်နာဂျစ်ဘ် ရာဇတ်ကပြောပါတယ်။ လာမယ့်(၅)နှစ်မှာ နိုင်ငံအတွက် ပိုတိုးတက်လာအောင်နဲ့ နိုင်ငံသားတွေရဲ့ ဘ၀တိုးတက်လာအောင် အစီအစဉ်တွေရေးဆွဲပြီးပြီလို့ အာဏာရမလေးရှားအမျိုးသားတပ်ဦး(BN)ပါတီဥက္ကဋ္ဌ နာဂျစ်ဘ်က ပြောပါတယ်။ လာမယ့်ရွေးကောက်ပွဲက ပုဂ်္ဂိုလ်ရေးဆန်တဲ့ ပြိုင်ပွဲမဟုတ်ဘဲ အာဏာရပါတီနဲ့ အတိုက်အခံပါတီတွေရဲ့ ပြိုင်ပွဲဖြစ်ပြီး ဘယ်ပါတီက မလေးရှားနိုင်ငံသားတွေရဲ့ဘ၀တိုးတက် ကောင်းမွန်ရေးဆောင်ရွက်ပေးနိုင်မလဲဆိုတာကို မူတည်ပြီး မဲရလဒ်တွေကွဲသွားနိုင်တယ်လို့ မဲဆွယ်ကာလမှာ နာဂျစ်ဘ်ကပြောခဲ့ပါတယ်။ သူ့ရဲ့ဦးဆောင်မှုနဲ့(BN)ဟာ ရွေးကောက်ပွဲဝင်ဖို့ အဆင်သင့်ရှိနေပြီလို့လည်း နာဂျစ်ဘ် ပြောခဲ့ပါတယ်။ လာမယ့်ဇွန်လ(၆)ရက်မှာကျင်းပမယ်လို့ မလေးရှားအစိုးရက ထုတ်ပြန်ထားတဲ့ ရွေးကောက်ပွဲအတွက် အဓိကအချက်(၁၄)ချက်နဲ့ ကတိ(၃၆၄)ခုကို အကောင်အထည်ဖော်သွားမယ်လို့(BN)ပါတီဘက်က ပြောထားပါတယ်။ ပါတီကအကောင်အထည်ဖော်သွားမယ့်အချက်တွေဟာ ပြည်သူတွေရဲ့ လိုအပ်ချက်နဲ့ ကိုက်ညီတာတွေ ဖြစ်တယ်လို့ ၀န်ကြီးချုပ်နာဂျစ်ဘ်က ပြောခဲ့ပါတယ်။ 

 

 

Related News