အမေရိကန်နိုင်ငံက တရုတ်ပို့ကုန်ပစ္စည်းတွေအပေါ်  ဒုတိယအကြိမ်အခွန်တိုးကောက်ရင် တရုတ်နိုင်ငံကပြန်လည်တုံ့ပြန်ဖို့ အဆင်သင့်ဖြစ်နေတယ်လို့ တရုတ်ကုန်သွယ်ရေးဝန်ကြီးဌာနက သတိပေးခဲ့ပါတယ်။ အမေရိကန်သမ္မတဒေါ်နယ်ထရန့်က ကုန်သွယ်ရေးအရာရှိတွေကို တရုတ်ပို့ကုန် ပစ္စည်းတွေအပေါ်နောက်ထပ် အမေရိကန်ဒေါ်လာဘီလီယံ(၁၀၀)အခွန် တိုးကောက်ဖို့ ညွှန်ကြားခဲ့ ပြီးနောက် တရုတ်ကုန်သွယ်ရေးဝန်ကြီးဌာနကဧပြီလ(၆)ရက်မှာ  အရေးပေါ် အစည်းအဝေးသစ် (၁)ခုခေါ်ယူခဲ့ပါတယ်။ ပြီးခဲ့တဲ့တစ်ပတ်ကလည်း အမေရိကန်သမ္မတဒေါ်နယ်ထရန့်က တရုတ်ပို့ကုန်တွေ အပေါ် အမေရိကန်ဒေါ်လာ(၅၀)ဘီလီယံ  အခွန်တိုးကောက်ဖို့ကြေညာခဲ့ပါတယ်။

နှစ်နိုင်ငံအငြင်းပွားမှုက ကာကွယ်ရေးဝါဒနဲ့ လွတ်လပ်စွာကုန်သွယ်မှုကို  တိုက်ခိုက်တာဖြစ်ပြီး လွတ်လပ်စွာ ကုန်သွယ်မှု ကို  ဟန့်တားပါက ကမ္ဘာ့ဈေးကွက်ကို ခြိမ်းခြောက်လာလိမ့်မယ်လို့ တရုတ်ကုန်သွယ်ရေးဝန်ကြီးဌာနရဲ့ ပြောခွင့်ရသူ ဂျားဖန်ကပြောပါတယ်။ အမေရိကန်နိုင်ငံက နောက်ထပ်အခွန်သစ်တိုးကောက်ခံပါက တရုတ်နိုင်ငံကချက်ချင်း လက်တုန့်ပြန်မှာဖြစ်ပြီး နှစ်နိုင်ငံအရာရှိတွေကစီးပွားရေးနဲ့ ကုန်သွယ်ရေးကိစ်္စတွေအတွက်မကြာသေးမီကဆွေးနွေးတာတွေ မလုပ်ခဲ့ပါဘူးလို့လည်း ဂျားဖန်ကပြောပါတယ်။ လက်ရှိအခြေ အနေအရ  နှစ်နိုင်ငံဆွေးနွေးတာ တွေက ခက်ခဲနေမယ်လို့လည်းဂျားဖန်ကပြောပါတယ်။

 

 

Related News