အကျင့်ပျက်ခြစားမှုနဲ့ နိုင်ငံတော်လျှို့ဝှက်ချက်ပေါက်ကြားစေမှုတွေမှာ အပြစ်ရှိနေတယ်လို့ တောင်ကိုရီးယားတရားရုံးချုပ်က စီ ရင်ချက်ချခဲ့တဲ့ တောင်ကိုရီးယားသမ်္မတဟောင်း ပတ်ဂွန်ဟေးဟာ ထောင်ဒဏ်(၂၄)နှစ်ကျခံရတော့မှာဖြစ်ပါတယ်။တောင်ကိုရီးယားသမ္မတဟောင်းပတ်ဂွန်ဟေးဟာ အာဏာအလွဲသုံးခဲ့တာနဲ့ အာဏာအသုံးပြု အကြပ်ကိုင်ခဲ့တာကြောင့် ထောင်ဒဏ်(၂၄)နှစ်ကျခံရဖို့ တောင်ကိုရီးယားတရားရုံးချုပ်က ဆုံးဖြတ်ခဲ့ပါတယ်။ ပြစ်ဒဏ်ချမှတ်တာကို တောင်ကိုရီးယားနိုင်ငံပိုင်ရုပ်သံ ကနေ တိုက်ရိုက် ထုတ်လွှင့်ခဲ့ပြီး အဲဒီတရားခွင်ဟာ နိုင်ငံရေးနဲ့စီးပွားရေးထိပ်သီးတွေပါဝင်ခဲ့တဲ့ အရှုပ်တော်ပုံရဲ့ စိတ်ဝင်အစားဆုံး ဖြစ်ခဲ့တယ်လို့ သတင်းတွေမှာဖော်ပြနေပါတယ်။
 
သမ္မတဟောင်းပတ်ဟာ ခြစားမှုကြောင့် ထောင်ဒဏ်ကျခံရဖို့ရှိရုံသာမက ငွေဒဏ်တောင်ကိုရီးယားဝမ်ငွေ(၁၈)ဘီလီယံကိုလည်း ပေးဆောင်ရမှာ ဖြစ်ပါတယ်။ သူ့ရဲ့တရားခွင်နဲ့ပတ်သက်ပြီး သမ္မတဟောင်း ပတ်က သပိတ်မှောက်ခဲ့သလို တောင်ကိုရီးယားတရားရုံးချုပ်ဟာ ဒီတရားခွင်မှာ ဘက်လိုက်မှုတွေရှိနေတယ်လို့ အစောပိုင်းမှာ စွပ်စွဲခဲ့ပါတယ်။ ဒါ့အပြင် သူဟာ အမှားအယွင်းတစုံတရာမလုပ်ခဲ့ဘူးလို့လည်း ငြင်းဆိုခဲ့ပါတယ်။ ခြစားမှုတွေကျူးလွန်ခဲ့တယ်လို့ စွပ်စွဲချက်(၁၈)ခုထဲက (၁၆)ခုမှာ သမ်္မတဟောင်းပတ်က အပြစ်ရှိနေတယ်လို့ တရားရုံးကဆုံးဖြတ်ခဲ့ပါတယ်။
 
သမ္မတဟောင်းပတ် ရဲ့မိတ်ဆွေဖြစ်သူချိုဆွန်းဆီနဲ့ပူးပေါင်းပြီး ချိုဆွန်းဆီက စီမံလည်ပတ်နေတဲ့ ဖောင်ဒေးရှင်းတွေအတွက် အီလက်ထရောနစ် ကုမ္ပဏီကြီး ဆမ်ဆောင်းနဲ့ လက်လီရောင်းဆိုင်တွေပိုင်ဆိုင်တဲ့ လော့တ်ကုမ္ပဏီတို့ဆီကနေ အလှူငွေတွေ ကောက်ခံခဲ့တယ်လို့လည်း တရားရုံးကဆုံးဖြတ်ခဲ့ပါတယ်။ ဒါ့အပြင် နိုင်ငံတော်လျို့ဝှက်ချက်တွေကို ချိုဆွန်းဆီထံပေါက်ကြားစေခဲ့တယ်လို့လည်း တရားရုံးကဆုံးဖြတ်ခဲ့ပါတယ်။
 
 
 

Related News