လာမယ့်(၂၀၁၉)ခုနှစ် ဧပြီလမှာကျင်းပမယ့် အာဆီယံထိပ်သီးညီလာခံရဲ့ ဥက္ကဋ္ဌ အဖြစ်တာဝန်ယူနိုင်ဖို့ ထိုင်းနိုင်ငံဘက်က ကြိုတင် ပြင်ဆင်ထားရမယ်ဆိုပြီး ထိုင်းဝန်ကြီးချုပ်က တိုက်တွန်းခဲ့ပါတယ်။ဒေသတွင်းဆက်ဆံမှုဆက်ဆံမှုအရေးကြီးကြောင်းနဲ့ (၂၀၁၉)ခုနှစ်မှာ ထိုင်းနိုင်ငံဟာ အရှေ့တောင်အာရှနိုင်ငံများအဖွဲ့(အာဆီယံ) ရဲ့ထိပ်သီးညီလာခံမှာ ဥက်္ကဋ္ဌအဖြစ်တာဝန်ယူဖို့ ချိန်ညှိမှုတွေပြုလုပ်ရမယ်လို့ ထိုင်းဝန်ကြီးချုပ်ပရာရွတ် ချန်အိုချာကပြောပါတယ်။ လာမယ့်(၂၀၁၉)ခုနှစ်မှာအာဆီယံညီလာခံဥက္ကဋ္ဌအဖြစ် ထိုင်းနိုင်ငံတာဝန်ယူရေးနဲ့ပတ်သက်ပြီး မတ်လ(၁၂)ရက်မှာပြုလုပ်ခဲ့တဲ့ အစည်းအဝေးမှာ မိန့်ခွန်းပြောစဉ် ၀န်ကြီးချုပ်ပရာရွတ်ကထည့်သွင်းပြောခဲ့တာပါ။

အာဆီယံညီလာခံဥက္ကဋ္ဌအဖြစ်တာဝန်ယူနိုင် ရေးအတွက် လိုအပ်တဲ့ပြင်ဆင်မှုတွေပြုလုပ်သွားဖို့နဲ့ ထိုင်းနိုင်ငံကဦးဆောင်ကျင်းပရမယ့် အာဆီယံနဲ့ဆက်စပ်လှုပ်ရှားမှုတွေနဲ့ ညီလာခံတွေနဲ့ပတ်သက်ပြီး ထိုင်းလူထုကိုအသိပေးဖို့ ပရာရွတ်ကတိုက်တွန်းခဲ့ပါတယ်။ အာဆီယံရဲ့စိန်ခေါ်မှုတွေကို ထိုင်းနိုင်ငံက ဆက်ဖြေရှင်းမှာဖြစ်ပြီး နိုင်ငံတကာအသိုက်အ၀န်းနဲ့ပူးပေါင်းဆောင်ရွက်မှုတွေကိုလည်း စတင်သွားမယ်လို့သိရပါတယ်။ တောင် တရုတ်ပင်လယ်တွင်းမှာ နယ်မြေပိုင်ဆိုင်မှုဆိုင်ရာအငြင်းပွားမှုမြင့်တက်နေတာတွေကို လျော့ပါးစေနိုင်တဲ့ ဒေသတွင်းဆက်ဆံရေး ကောင်းမွန်အောင်ဆောင်ရွက်ဖို့ ထိုင်းနိုင်ငံခြားရေးဝန်ကြီးဌာနကတိုက်တွန်းခဲ့ပါတယ်။

အခုနှစ်ဧပြီလနဲ့နိုဝင်ဘာလတို့မှာကျင်း ပမယ့် အာဆီယံထိပ်သီးညီလာခံ(၂)ခုကို စင်ကာပူနိုင်ငံကဥက်္ကဋ္ဌအဖြစ်တာဝန်ယူမှာဖြစ်ပြီး (၂၀၁၉)ခုနှစ်မှာကျင်းပမယ့်ထိပ်သီညီ လာခံ(၂)ခုကိုတော့ ထိုင်းနိုင်ငံကဥက်္ကဋ္ဌအဖြစ်တာဝန်ယူမှာဖြစ်ပါတယ်။

 

 

Related News