အိုဆာကာစီရင်စုကဂျပန်အစိုးရပိုင်မြေတွေကိုဈေးလျှော့ပြီး ပုဂ္ဂလိကကျောင်းစီမံ လည်ပတ်သူမိုရီတိုမို ဂါကူအန်ကို ရောင်းချခဲ့ တဲ့ဖြစ်ရပ်မှာ ဘဏ္ဍာရေးဝန်ကြီးဌာန တာဝန်ရှိသူတွေက စာချုပ်(၁၄)ခုကိုအပြောင်းအလဲတွေပြုလုပ်ခဲ့တယ်လို့ ဂျပန်ဘဏ္ဍာရေး ၀န်ကြီးတာရို အာဆိုက ပြောပါတယ်။ ဘဏ္ဍာရေးဝန်ကြီးဌာန ၀န်ထမ်းတွေရဲ့လုပ်ရပ်ဟာ နောင်တရစရာဖြစ်ပြီးတောင်းပန်လိုတယ်လို့ မတ်လ(၁၂)ရက်မှာ ပြုလုပ်ခဲ့တဲ့သတင်း စာရှင်းလင်းပွဲမှာ အာဆိုကပြောခဲ့ပါတယ်။

ဒီဖြစ်ရပ်နဲ့ပတ်သက်တဲ့စုံစမ်းစစ်ဆေး မှုတွေကို ဘဏ္ဍာရေးဝန်ကြီးဌာနဘက်က အပြည့်အ၀ပူးပေါင်းပါဝင်ဆောင်ရွက်သွားမှာဖြစ်ပြီး အခုလိုဖြစ်ရပ်မျိုး နောက်(၁)ကြိမ် ထပ်မဖြစ်စေဖို့ အရေးယူမှုတွေပြုလုပ်သွားမယ်လို့ အာဆိုကပြောပါတယ်။ အခုဖြစ်ရပ်ကြောင့် အာဆိုအနေနဲ့ ဘဏ္ဍာရေးဝန်ကြီး အဖြစ်ကနေ နှုတ်ထွက်ဖွယ်ရှိတယ်လို့ သတင်းတွေထွက်ပေါ်နေပေမဲ့ မဟုတ်မှန်ကြောင်း အာဆိုကငြင်းခဲ့ပါတယ်။ ဒီဖြစ်ရပ်နဲ့ ပတ်သက်နေတဲ့ စာရွက်စာတမ်းတွေကို ပြီးခဲ့တဲ့(၂၀၁၆)ခုနှစ်မှာ ဂျပန် အထက်လွှတ်တော် ကိုတင်ပြခဲ့ပေမဲ့ လွှတ်တော်ကိုမတင်ပြ ခင်မှာ စာရွက်စာတမ်းကိုပြောင်းခဲ့တယ်ဆိုပြီး သတင်းတွေထွက်ပေါ်နေတာပါ။ ဒီဖြစ်ရပ်နဲ့ပတ်သက်ပြီး ၀န်ကြီးဌာနကဘက်က ပြုလုပ်ထားတဲ့စုံစမ်းစစ်ဆေးမှုဆိုင်ရာအစီရင်ခံစာကို မတ်လ(၁၂)ရက်မှာ ဂျပန်အထက်လွှတ်တော်ကို တင်ပြခဲ့ပါတယ်။

 

 

 

Related News