အိန်္ဒိယသမုဒ္ဒရာက အိန်္ဒိယရေတပ်စခန်းတွေကို ပြင်သစ်ရေတပ်သင်္ဘောတွေသွားရောက်နိုင်မယ့် သဘောတူညီမှုကို မတ်လ(၁၀)ရက်မှာ အိန်္ဒိယနဲ့ ပြင်သစ်နိုင်ငံတို့ လက်မှတ်ရေးထိုးခဲ့ပါတယ်။ အိနိ်္ဒယနဲ့ပြင်သစ်နိုင်ငံတို့ဟာ မတ်လ(၁၀)ရက်မှာ ကာကွယ်ရေးဆိုင်ရာ သဘောတူညီမှု (၁)ရပ်ကို လက်မှတ်ရေးထိုးခဲ့ပြီး နှစ်နိုင်ငံကြားကာကွယ်ရေးဆိုင်ရာဆက်ဆံရေး ပိုတိုးလာပြီ ဖြစ်တယ်လို့ ပြင်သစ်သမ္မတအီမန်နျူရယ် မက်ခရွန်က ပြောခဲ့ပါတယ်။
 
သဘော တူညီမှုကြောင့် အိန်္ဒိယနဲ့ပြင်သစ်စစ်သင်္ဘောတွေဟာ ရေတပ်အခြေစိုက်စခန်းတွေကို သွားရောက်နိုင်တော့မှာ ဖြစ်ပါတယ်။ လုံခြုံရေးနဲ့ကမ္ဘာ့တည်ငြိမ်မှုတွေဟာ အိနိ်္ဒယသမုဒ္ဒရာမှာရင်းနှီးထားရပြီး အိန်္ဒိယသမုဒ္ဒရာဟာလည်း ပစိဖိတ်သမုဒ္ဒရာလို တစ်ဦးတည်းက ဦးဆောင်လို့မရတော့တဲ့ ရေပိုင်နက် ဖြစ်လာပြီလို့ သမ္မတမက်ခရွန်က ပြောပါတယ်။ 
 
အိန်္ဒိယသမုဒ္ဒရာဟာ အနာဂတ်မှာ အရေးပါ လာမယ့်နေရာဖြစ်လို့ သဘောတူစာချုပ်ချုပ်နိုင်ခဲ့တာဟာ အရေးကြီးကိစ္စ(၁)ရပ်ဖြစ်ပြီး အိန္ဒိယနဲ့ပြင်သစ်တို့ဟာနယ်ပယ်စုံမှာပူး ပေါင်းဆောင်ရွက်မှုတွေပြုလုပ်သွားမှာဖြစ်တယ်လို့ ၀န်ကြီးချုပ်မိုဒီကပြောပါတယ်။ အိနိ်္ဒယသမုဒ္ဒရာအတွင်း တရုတ်နိုင်ငံရဲ့လွှမ်းမိုး မှုတွေမြင့်တက်လာချိန်မှာ ပြင်သစ်နဲ့ကာကွယ်ရေးဆိုင်ရာသဘောတူညီမှု လက်မှတ်ရေးထိုး နိုင်ခဲ့တာဖြစ်ပါတယ်။
 
အိန္ဒိယ၀န်ကြီး ချုပ်မိုဒီနဲ့ သမ္မတမက်ခရွန်တို့ မတ်လ(၁၀)ရက်မှာ တွေ့ဆုံခဲ့ပြီး ကာကွယ်ရေး၊ အာကာသလေ့လာရေးနဲ့ သန့်စင်တဲ့စွမ်းအင်ကဏ္ဍတွေမှာ ပူးပေါင်း ဆောင်ရွက်ဖို့ သဘောတူခဲ့ကြပါတယ်။ မက်ခရွန်ရဲ့အိန်္ဒိယနိုင်ငံခရီးစဉ်မှာ ယူရိုငွေသန်း (၁၃၀၀၀)ကျော် တန်ဖိုးရှိတဲ့ သဘောတူညီမှုတွေပြုလုပ်နိုင်ခဲ့တယ်လို့ ပြင်သစ်အစိုးရက သတင်းထုတ်ပြန်ပါတယ်။ 
 
 

Related News