ဆီးရီးယားနိုင်ငံ ဒါးမတ်စကပ်မြို့ အရှေ့ဘက်ရှိ ဂိုတာမှာခြေကုတ်ယူထားတဲ့ အကြမ်းဖက် သမားတွေကို ဆီးရီးယားစစ်တပ်တွေက တိုက်ခိုက်နေစဉ်မှာသတင်းယူနေတဲ့   သတင်းထောက်(၁) ယောက် ဒဏ်ရာရခဲ့ပါတယ်။ သတင်းထောက် ဆေးရိဒ်မိုတာ ဘာဟေဒေးရိမှာ အကြမ်းဖက်သမား တွေရှိတဲ့ ကာဖာဗက်နာဒေသမှာ သတင်းယူခဲ့တာပါ။ အဲ့ဒီမှာအကြမ်းဖက်သမားတွေ ပစ်ခတ်နေ တာကြောင့် သူဟာဒဏ်ရာရခဲ့တယ်လို့ သိရပါတယ်။ တချိန်တည်းမှာပဲ အာရပ်ရုပ်သံလိုင်း ဖြစ်တဲ့ အယ်လမ်းရဲ့ကင်မရာသမားတစ်ဦးဟာလည်း ဆီးရီးယားစစ်တပ်ရဲ့တိုက်ခိုက်မှုကို ရိုက်ကူး နေစဉ် သေဆုံးသွားတယ်လို့သိရပါတယ်။ ရာဇင်ကာဟလ်ဟာ အကြမ်းဖက်သမားတွေရဲ့ ဖေါက်ခွဲမှု ကြောင့် သေဆုံးခဲ့ရတယ်လို့ သိရပါတယ်။ ဆီးရီးယားရှိ ကုလသမဂ်္ဂလူသားချင်း စာနာထောက်ထား ရေးညှိနှိုင်းရေးရုံးက ပြောခွင့်ရသူက ဂိုတာမြို့အရှေ့ပိုင်းမှာ ပေါက်ကွဲမှုတွေကြောင့် လူပေါင်း (၅၀၀၀၀)မှာ ရွှေ့ပြောင်းနေကြရတယ်လို့ပြောပါတယ်။ စစ်သွေးကြွတွေ ခြေကုတ်ယူထားတဲ့ ဂိုတာမြို့အရှေ့ပိုင်းမှာ ပိတ်မိနေတဲ့ကလေးတွေအတွက် အထောက်အပံ့တွေ အရေးတကြီး လိုအပ်တယ်လို့ ကုလသမဂ်္ဂ ကလေးများရံပုံငွေအဖွဲ့ (UNICEFင်္) အကြီးအကဲကပြောတယ်လို့ သိရပါတယ်။

 

 

Related News