ပြီးခဲ့တဲ့နှစ်အတွင်း ဒီဂျစ်တယ်ငွေကြေးBitcoinတွေရဲ့တန်ဖိုးတွေ မြင့်တက်ခဲ့ချိန်မှာ တောင်ကိုရီးယားဒီဂျစ်တယ်ငွေကြေးလဲလှယ်ရေးဌာနတွေရဲ့ ကွန်ပြူတာစနစ်တွေကို (၄)ကြိမ်တိုင်တိုင် ဖောက်ထွင်းဝင်ရောက်ခဲ့ပါတယ်။ ဖောက်ထွင်းဝင်ရောက်ခဲ့မှုတချို့ဟာ မြောက်ကိုရီးယား နိုင်ငံသားတွေရဲ့ လက်ချက်ဖြစ်တယ်လို့ တောင်ကိုရီးယားအမျိုးသားစုံစမ်းရေးဌာန (N.I.S) က အတည်ပြုခဲ့ပါတယ်။ 

ဖောက်ထွင်းခဲ့သူတွေဟာ ဒီဂျစ်တယ်ငွေကြေးအသုံးပြုသူတွေဆီ အီးမေးတွေပေးပို့ခဲ့ပြီး အဲဒီအီးမေးတွေကနေတစ်ဆင့် ဒီဂျစ်တယ်ငွေကြေးဆိုင်ရာ လျို့ဝှက်နံပါတ်တွေကို ခိုးယူခဲ့တယ်လို့ တောင်ကိုရီးယားလွှတ်တော်မှာ N.I.S  ကပြောခဲ့ပါတယ်။ အဲဒီကနေတစ်ဆင့် တောင်ကိုရီးယားဒီဂျစ်တယ် ငွေကြေးအသုံးပြုသူတွေဆီကနေ ၀မ်ငွေသန်းထောင်ချီကို ခိုးယူသွားတာဖြစ် တယ်လို့လည်း N.I.S  က ပြောပါတယ်။ အခုနှစ်၊ ဇန်န၀ါရီလက ဂျပန်နိုင်ငံမှာ ယန်းငွေသန်း(၅၈၀၀)ကျော်တန်ဖိုးရှိတဲ့ မှတ်တမ်းဝင် ဒီဂျစ်တယ်ငွေကြေးဖောက်ထွင်းခိုးယူမှုမှာလည်း မြောက်ကိုရီးယားနိုင်ငံသားတွေ ပါနိုင်ချေ ရှိနေတယ်လို့ N.I.S ဘက်က ပြောပါတယ်။ 

မြောက်ကိုရီးယားနိုင်ငံသားတွေဟာ ကွန်ပြူုတာစနစ်ကို ဖောက်ထွင်းဝင်ရောက်တဲ့ခိုးမှုတွေကို အခုနှစ်အတွင်းထပ်မံကျူး လွန်ဖွယ်ရှိနေပြီး ပစ်မှတ်တွေဟာလည်း အမျိုးမျိုးပြောင်းလဲနေနိုင်တယ်လို့  N.I.S  က ပြောတယ်ဆိုပြီး တောင်ကိုရီးယားလွှတ်တော်၊ စုံစမ်းရေးကော်မတီဝင် ကင်ဗျောင်ကီးက ပြောပါတယ်။  

 

 

Related News