ဝီကီလိခ်တည်ထောင်သူ ဂျူလီယန်အက်ဆန်ဟာ အီကွေဒေါနိုင်ငံသား(၁)ဦးဖြစ်လာပြီလို့ အီကွေဒေါအစိုးရက အတည်ပြုလိုက်ပါတယ်။ ဂျူလီယန်အက်ဆန်ကို အီကွေဒေါနိုင်ငံသားအဖြစ် လက်မခံနိုင်ဘူးလို့ အီကွေဒေါနိုင်ငံက အစောပိုင်းမှာ ငြင်းဆိုခဲ့ပေမဲ့ ဗြိတိန်နိုင်ငံနဲ့ ပတ်သက်တဲ့သူ့ရဲ့ အခြေအနေကို ဂုဏ်သိက်္ခာရှိရှိဖြေရှင်းနိုင်မယ့်အဖြေတစ်ခုရှာဖွေနေတယ်လို့ အီကွေဒေါနိုင်ငံခြားရေး ၀န်ကြီးက ပြောခဲ့ပါတယ်။ လန်ဒန်မှာရှိတဲ့အီကွေဒေါသံရုံးမှာ အက်ဆန်ကိုခိုလှုံခွင့် ပေးထားတာ (၅)နှစ်ရှိပြီဖြစ်ပါတယ်။ လိင်ပိုင်း ဆိုင်ရာမသင့်လျော်တဲ့ လုပ်ရပ်တွေကျူးလွန်ခဲ့တယ်လို့စွပ်စွဲခံခဲ့ရတဲ့ အက်ဆန်ကို ဆွီဒင်နိုင်ငံကိုပြန်လွှဲပေးရေးရှောင်ရှားဖို့ လန်ဒန်ကအီကွေဒေါသံရုံးမှာ (၂၀၁၂)ခုနှစ် ကတည်းက ခိုလှုံခွင့်ပေးထားတာဖြစ်ပါတယ်။ နောက်ထပ်နိုင်ငံတစ်နိုင်ငံကနေ အက်ဆန်ရဲ့ အသက်အန္တရာယ်ကိုခြိမ်းခြောက်လာမှာကို စိုးရိမ်နေတယ်ဆိုပြီး အီကွေဒေါဘက်ကပြောထားပါတယ်။ သူ့ကိုအီကွေဒေါနိုင်ငံကူးလက်မှတ်ထုတ်ပေးလိုက်ပြီဖြစ်တယ်လို့ အက်ဆန်ကပြောခဲ့ပြီး နောက်တစ်နေ့မှာ အက်ဆန်ကိုအီကွေဒေါနိုင်ငံသားခံယူခွင့်ပေးလိုက်ပြီဆိုတဲ့သတင်း ထွက်ပေါ်လာတာ ဖြစ်ပါတယ်။ 
 
 

Related News