ကတ်တလန် ဒေသခွဲထွက်ရေးပြည်သူ့ဆန္ဒခံယူပွဲဟာ စပိန်ဗဟိုအစိုးရရဲ့ကန့်ကွက်မှုတွေနဲ့ တွေ့ကြုံခဲ့ပြီး လုံခြုံရေးတပ်ဖွဲ့တွေဘက်က မဲပေးမယ့်ဒေသခံတွေကို ဟန့်တားခဲ့လို့ ရုတ်ရုတ်သည်းသည်း ဖြစ်ပွားခဲ့တာတွေရှိပေမယ့် အောင်မြင်ခဲ့ပါတယ်။ စပိန်ဗဟိုအစိုးရက တရားမ၀င်ဘူးလို့ ကန့်ကွက်တဲ့ ကတ်တလန်ဒေသခွဲထွက်ရေး ပြည်သူ့ ဆန္ဒခံယူပွဲအတွင်း ရဲတွေက မဲရုံတွေနဲ့ မဲပေးသူတွေကို အင်အားသုံး လူစုခွဲတာမျိုးရှိခဲ့ပေမဲ့  ရုတ်ရုတ်သည်းသည်း ဖြစ်ပွားခဲ့တာတွေရှိခဲ့ပေမယ့် ကတ်တလန်ဒေသဟာ စပိန်နိုင်ငံကနေ ခွဲထွက်ဖို့ အခွင့်အရေးရှိနေတယ်လို့ ကတ်တလန်ဒေသရဲ့ ခေါင်းဆောင် ကာလီစ်ပူစီမွန်က ပြောပါတယ်။ ပြည်သူ့ဆန္ဒခံယူပွဲ အောက်တိုဘာလ(၁)ရက်မှာ ပြုလုပ်ခဲ့ပြီး  ကတ်တလန်ဒေသအနေနဲ့ စပိန်နိုင်ငံကနေ ခွဲထွက်တော့မယ် ဆိုတာကို ထုတ်ပြန်တော့မှာဖြစ်တယ်လို့ သူကပြောပါတယ်။
 
အောက်တိုဘာလ(၁) ရက်က ကျင်းပခဲ့တဲ့ ပြည်သူ့ဆန္ဒခံယူပွဲမှာ မဲပေးခဲ့တဲ့ ပြည်သူ(၉၀)ရာခိုင်နှုန်းဟာ ခွဲထွက်ရေးအတွက် မဲပေးခဲ့ကြပြီး မဲပေးခွင့်ရှိသူ အရေအတွက်ရဲ့ (၄၂)ရာခိုင်နှုန်းကျော် မဲလာပေးခဲ့တယ်လို့ ကတ်တလန် အာဏာပိုင်တွေက ပြောပါတယ်။ ကတ်တလန်ဒေသခွဲထွက်ရေး ပြည်သူ့ဆန္ဒခံယူပွဲဟာ စပိန်နိုင်ငံဖွဲ့စည်းပုံ အခြေခံဥပဒေအရ တရားမ၀င်ဘူးလို့ စပိန်နိုင်ငံဖွဲ့စည်းပုံအခြေခံဥပဒေဆိုင်ရာခုံရုံးက ကြေညာထား ပါတယ်။ ပြည်သူ့ဆန္ဒခံယူပွဲရဲ့မဲရလဒ်တွေကို ကတ်တလန်ဒေသလွှတ်တော်ကို တင်သွင်းသွားမှာဖြစ်ပြီး ကတ်တလန်လွှတ်တော်ဟာ ဆန္ဒခံယူပွဲဆိုင်ရာဥပဒေနဲ့အညီ ဆောင်ရွက်သွားမှာ ဖြစ်တယ်လို့ ကာလီစ်ပူစီမွန်ကပြောပါတယ်။ ကတ်တလန်ဒေသခွဲထွက်ရေးအတွက် ဥရောပသမဂ္ဂဟာ တခြား နည်းလမ်းကို ရှာဖွေဖို့မဖြစ်နိုင်တော့ဘူးလို့လည်း သူက ပြောပါတယ်။ ခွဲထွက်ရေးမလိုလားတဲ့ ကတ်တလန်ဒေသခံတွေကလည်း ဘာစီလိုနာမြို့နဲ့တခြားမြို့ကြီးတွေမှာ လူထုစုဝေးပွဲတွေ ပြုလုပ်ခဲ့ ကြပါတယ်။
 
 

Related News