ကမ္ဘာ့အကြီးဆုံးအပူပိုင်းမိုးသစ်တောဖြစ်တဲ့ အမေဇုန်ဒေသမှာ ဘောလုံးကွင်းတွေတည် ဆောက်တာနဲ့ လယ်ယာစိုက်ပျိုးရေးတွေ လုပ်ကိုင် လာလို့ မိနစ်တိုင်းသစ်ပင်တွေဆုံးရှုံးနေရတယ်လို့သိရပါတယ်။အမေဇုန်မိုးသစ်တောဧရိယာအတွင်း ဘောလုံးကွင်းတွေတည်ဆောက်မှုကြောင့် မိနစ်တိုင်းမှာသစ်ပင်တွေဆုံးရှုံးနေရတယ်လို့ ဂြိုလ်တုအချက်အလက်တွေအရသိရပါတယ်။ ဘရာဇီးနိုင်ငံဟာအမေဇုန်ဒေသကို အများဆုံးပိုင်ဆိုင်ထားတဲ့နိုင်ငံဖြစ်ပြီး အခုနှစ် ဇန်န၀ါရီ(၁)ရက်မှာ ဂျယ်ရာ ဘိုလ်ဆန်နယ်ရိုဘရာဇီးသမ္မတအဖြစ်တာဝန်ယူချိန်ကစလို့ ပထမနှစ်ဝက်မှာတင်သစ်ပင် တွေရှင်း လင်းခံရမှုတဟုန်ထိုးမြင့်တက်နေတယ်လို့ ဂြိုလ်တုဓာတ်ပုံတွေမှာဖော်ပြနေပါတယ်။ သစ်ပင်တွေမရှိတော့တဲ့မြေလွတ်တွေကို ဘောလုံးကွင်းတည်ဆောက်တာနဲ့ လယ်ယာစိုက်ပျိုးရေးတွေလုပ်ငန်းတွေမှာအသုံးပြုကြပါတယ်။ တခြားဒေသတွေမှာ မှောင်ခို ဈေးကွက်ကအော်ဒါမှာယူမှုတွေကိုရောင်းချဖို့ ပင်ခြေပိတ်ပေါင်းများတဲ့နေရာတွေကိုဖြတ်ပြီး တန်ဖိုးရှိသစ်မာပင်တွေရှိတဲ့နေရာကို ရောက်အောင် သစ်ခိုးခုတ်တဲ့လူတွေကလမ်းကြောင်းသစ်တွေဖောက်ကာခုတ်လှဲနေကြပါတယ်။

ကမ္ဘာ့အကြီးဆုံးမိုးသစ်တော ဖြစ်တဲ့အမေဇုန်ဟာ လေထုထဲကကာဗွန်ဒိုင်အောက်ဆိုဒ်တွေကိုစုပ်ယူပေးတဲ့နေရာမှာ အလွန်အရေးပါပြီး ကမ္ဘာကြီးပူနွေးလာမှု အရှိန်အဟုန်ကိုလည်းထိန်းပေးထားတာဖြစ်ပါတယ်။ အကယ်၍သစ်တောတွေသာ ဆက်လက်ပြုန်းတီးနေဦးမယ်ဆိုရင် ကမ္ဘာကြီး ပူနွေးလာမှာဖြစ်ပြီး အဲဒီပူနွေးမှုကြောင့် အန္တာတိကတိုက်လို ရေခဲတွေဖုံးလွှမ်းနေတဲ့နေရာတွေအရည်ပျော်ပြီး ရေကြီးမှုတွေဖြစ် လာစေမှာပါ။ ကမ္ဘာ့လေထုထဲကအောက်ဆီဂျင်(၂၀)ရာခိုင်နှုန်းကျော်ကို အမေဇုန်မိုးသစ်တောကထုတ်လုပ်ပေးတာပါ။ အပူပိုင်းမိုး သစ်တောတွေမှာ သစ်ပင်၊ တိရစ္ဆာန်နဲ့ အင်းဆက်မျိုးစိတ်(၁၀)သန်းလောက်နေထိုင်နေကြပါတယ်။ ဒါကြောင့်သစ်တောတွေ ပြုန်းတီးမယ်ဆိုရင် အဲဒီသက်ရှိမျိုးစိတ်တွေကိုထိခိုက်စေမှာဖြစ်ပြီး ပထမဆုံးအနေနဲ့လူသားတွေအတွက်အစားအစာအရင်း အမြစ်ကို ဆုံးရှုံးစေမှာဖြစ်တဲ့အပြင် အသက်ရှင်သန်ရေးအတွက်လိုအပ်တဲ့အောက်ဆီဂျင်ကိုလည်းလုံလုံလောက်လောက်ရနိုင်တော့ မှာမဟုတ်ပါဘူး။

 

 

 

Related News