အိန္ဒိယနိုင်ငံရဲ့ စတုတ္ထမြောက်အကြီးဆုံးမြို့ဖြစ်တဲ့ ချန်နိုင်းမြို့ကရေလှောင်ကန်(၄)ကန်ဟာ ခြောက်သွေ့လုနီးပါးအခြေအနေမှာ ရှိနေပြီး အိန္ဒိယသမိုင်းတစ်လျှောက်အဆိုးဆုံးရေရှားပါးမှုနဲ့ကြုံနေရတာဖြစ်ပါတယ်။ အပူချိန်မြင့်တက်နေပေမဲ့ မိုးရေချိန်နည်းနေ တဲ့အပြင် ရေလှောင်ကန်တွေ၊ ရေတွင်းတွေနဲ့ ရေကန်တွေခန်းခြောက်နေပြီး မုတ်သုံလေ၀င်ရောက်မှုလည်းနှောင့်နှေးနေတာပါ။ အိန္ဒိယအစိုးရဘက်က ရေအရင်းအမြစ်သစ်တွေနဲ့ နည်းပညာသစ်တွေကိုရှာတွေ့တဲ့အချိန်အထိ ချန်နိုင်းမြို့ကအိမ်ထောင်စုတွေ ကိုရေထောက်ပံ့ဖို့ အနီးနားကစီရင်စုတွေကနေရေပို့ဆောင်ပေးမှာဖြစ်ပါတယ်။ ချန်နိုင်းနဲ့ အမ်မာတို့ကဒေသခံတွေဟာအခုနှစ် ဇန်န၀ါရီလကတည်းက ရေရှားမှုနဲ့တွေ့ကြုံနေရတာပါ။ ရေရှားပါးနေမှုဟာ စီးပွားရေးလုပ်ငန်းတွေကိုထိခိုက်နေပြီး တချို့လုပ်ငန်း တွေဆိုရင်ခေတ္တရပ်နားထားရတာမျိုးတွေရှိနေပါတယ်။ အိန္ဒိယအစိုးရဘက်က လုံလောက်တဲ့ရေပမာဏထောက်ပံ့ပေးမှုကို လာ မယ့်နိုဝင်ဘာလလောက်အထိပဲပေးနိုင်မှာဖြစ်ပြီး ဒေသခံတွေကတော့မိုးရွာဖို့မျှော်လင့်နေကြပါတယ်။


 

 

Related News