ကာဗွန်ထုတ်လွှတ်မှုလျှော့ချဖို့ရည်ရွယ်ပြီး သယ်ယူပို့ဆောင်ရေးကဏ္ဍအားလုံးမှာ လျှပ်စစ်အသုံးပြု နိုင်ဖို့ နော်ဝေးနိုင်ငံက ကြိုးပမ်းနေတဲ့အပြင် (၂၀၂၅)ခုနှစ်မှာ ကာဗွန်ထုတ်လွှတ်မှုမရှိတဲ့ယာဉ်တွေကိုပဲ ရောင်းချဖို့စီစဉ်ထားပါတယ်။ ကာဗွန်ထုတ်လွှတ်မှုလျှော့ချဖို့ ကုန်းကြောင်း၊ ရေကြောင်းနဲ့ လေကြောင်းသယ်ယူပို့ဆောင်ရေးကဏ္ဍတွေမှာလျှပ်စစ်ကိုအသုံးပြု နိုင်အောင် နော်ဝေးနိုင်ငံကကြိုးပမ်းနေပါတယ်။ စီးပွားဖြစ်အသုံးပြုနိုင်တဲ့ လျှပ်စစ်လေယာဉ် အယ်လ်ဖာ G2ကိုကမ္ဘာ့ပထမဆုံးအ ဖြစ်နော်ဝေးကထုတ်လုပ်နိုင်ခဲ့တာပါ။ လျှပ်စစ်လေယာဉ်ကတစ်နာရီပျံသန်းနိုင်ပြီး တစ်နာရီအားပြန်သွင်းဖို့လိုအပ်သလို မြန်နှုန်း တစ်နာရီကီလိုမီတာ(၁၆၀)အထိသွားနိုင်တယ်လို့ လေယာဉ်မှူးဟယ်လ်ဂါ စတောဖလောကပြောပါတယ်။ ကျွန်း(၅)သောင်း ကျော်ရှိတဲ့နော်ဝေးနိုင်ငံမှာ လျှပ်စစ်လေယာဉ်တွေကအသုံးဝင်နေပါတယ်။ ကာဗွန်ထုတ်လွှတ်မှုလျော့ချမယ့်အစီအစဉ်ရဲ့တစ် စိတ်တစ်ပိုင်းအနေနဲ့ လာမယ့်(၂၀၄၀)ပြည့်နှစ်မှာ နော်ဝေးပြည်တွင်းလေကြောင်းလိုင်းအားလုံးကို လျှပ်စစ်စွမ်းအင်သုံးလေယာဉ် တွေ အပြည့်အ၀အသုံးချနိုင်ဖို့ နော်ဝေးကဆန္ဒရှိနေပါတယ်။ အခွင့်အလမ်းသစ်တွေကိုရှာဖွေဖို့ လျှပ်စစ်နယ်ပယ်ကို နော်ဝေးကုမ္ပ ဏီကြီးတွေခြေချခဲ့ပါတယ်။ လမ်းတွေပေါ်မှာ အလားတူရည်မှန်းချက်တွေကို နော်ဝေးအစိုးရအဆက်ဆက်ကချမှတ်ခဲ့လို့ လူတစ် ယောက်ချင်းစီလျှပ်စစ်ကားပိုင်ဆိုင်မှုမှာ တခြားနိုင်ငံတွေထက် နော်ဝေးကပိုများနေတာပါ။

 

Related News