ဆိုဗီယက်ယူနီယံနဲ့အမေရိကန်နိုင်ငံတို့လက်မှတ်ရေးထိုးထားတဲ့INFစာချုပ်မှာ ရုရှားနိုင်ငံပါဝင်မှုရပ်ဆိုင်းထားဖို့ ရုရှားအောက် လွှတ်တော်ကအတည်ပြုလိုက်ပြီးစာချုပ်ကနေ နုတ်ထွက်တာမဟုတ်ဘူးလို့ ရုရှားဒုတိယနိုင်ငံခြားရေးဝန်ကြီးက အတည်ပြု ပါတယ်။ 
တာလတ်ပစ်နျူကလီးယားတပ်ဖွဲ့များဆိုင်ရာသဘောတူစာချုပ်(INF)မှာ ရုရှားနိုင်ငံပါဝင်မှုကိုရပ်ဆိုင်းဖို့ အင်္ဂါနေ့မှာ ရုရှားအောက် လွှတ်တော်ကအတည်ပြုလိုက်ပါတယ်။ ရုရှားသမ္မတဗလာဒီမာပူတင်ကမေ(၃၀)ရက်မှာ တင်သွင်းခဲ့တဲ့အဆိုမှာ ဆိုဗီယက် ယူနီယံနဲ့ အမေရိကန်နိုင်ငံတို့(၁၉၈၇)ခုနှစ်မှာလက်မှတ်ရေးထိုးခဲ့တဲ့INFစာချုပ်ကို ရပ်ဆိုင်းဖို့ပါဝင်ခဲ့တာပါ။ ဥပဒေကြမ်းကို ရုရှားအထက်လွှတ်တော်ဖြစ်တဲ့ဖက်ဒရေးရှင်းကောင်စီကလက်မှတ်ရေးထိုးအတည်ပြုပြီးပြီဆိုရင် သမ္မတပူတင်ကလက်မှတ်ရေး ထိုးရမှာပါ။ ရုရှားသမ္မတမှာစာချုပ်ကိုပြန်အသက်သွင်းနိုင်တဲ့အခွင့်အရေးရှိတယ်လို့လည်း ဥပဒေကြမ်းမှာပါဝင်ပါတယ်။ ဥပဒေကြမ်းအရ ရုရှားနိုင်ငံဟာINFကနေနုတ်ထွက်မှာမဟုတ်ဘဲရပ်ဆိုင်းထားရုံပဲဖြစ်တယ်လို့ ရုရှားဒုတိယနိုင်ငံခြားရေးဝန်ကြီး ဆာဂေးရီယက် ကော့ဗ်ကအင်္ဂါနေ့မှာပြောပါတယ်။ ပြီးခဲ့တဲ့ဖေဖော်ဝါရီမှာ (၆)လအတွင်းINFကနေ နုတ်ထွက်ဖို့ အမေရိကန်က ဆုံးဖြတ်ခဲ့ပြီးတဲ့ နောက် INFမှာရုရှားပါဝင်မှုရပ်ဆိုင်းဖို့ ပူတင်ကဆုံးဖြတ်ခဲ့တာပါ။ ပြီးခဲ့တဲ့နှစ်တွေအတွင်း နှစ်နိုင်ငံတင်းမာမှုတွေ မြင့်တက်ခဲ့ပြီးနောက် စာချုပ်ပါအချက်အလက်တွေကိုဖောက်ဖျက်တယ်လို့ တစ်ဖက်နဲ့တစ်ဖက်အပြန်အလှန်စွပ်စွဲခဲ့ပါတယ်။

 

Related News