ကြာသပတေးနေ့ညနေပိုင်းကအိုမန်ပင်လယ်မှာ ဂျပန်ပိုင်ရေနံတင်သင်္ဘောတစ်စင်းအပါအ၀င် (၂)စင်းတိုက်ခိုက်ခံခဲ့ရတဲ့နောက်ပိုင်းကမ္ဘာ့ရေနံဈေးမြင့်တက်ခဲ့ပါတယ်။အီရန်နိုင်ငံနားကအိုမန်ပင်လယ်မှာရေနံတင်သင်္ဘော(၂)စင်းတိုက်ခိုက်ခံခဲ့ရပြီးနောက် ကြာသပတေးနေ့မှာရေနံဈေးတွေမြင့် တက်ခဲ့ပါတယ်။ 

သင်္ဘောတစ်စင်းကဂျပန်ကုမ္ပဏီတစ်ခုရဲ့အပိုင်ဖြစ်ပြီးအမေရိကန်နဲ့အီရန်တို့ကြားတင်းမာမှုတွေဖြေလျော့ပေးဖို့ စီစဉ်နေတဲ့ ဂျပန်ဝန်ကြီးချုပ်အာဘေး ရှင်ဇိုအီရန်နိုင်ငံကိုရောက်နေချိန်မှာတိုက်ခိုက်မှုဖြစ်ပွားခဲ့တာပါ။ ဈေးနှုန်းတွေမြင့်တက်လာတာဟာထုတ်လုပ်မှုနှောင့်နှေးသွားတယ်ဆိုတဲ့ စိုးရိမ်မှုတွေကြောင့်ဖြစ်နေတာလို့ ကျွမ်းကျင်သူတွေကသုံးသပ်ပါတယ်။ 

ကမ္ဘာ့ရေနံလိုလားချက်မြင့်တက်လာနိုင်တယ်ဆိုတဲ့ခန့်မှန်းချက်ကိုရေနံတင်ပို့သောနိုင်ငံများအဖွဲ့(အိုပက်)က ပြန်လျှော့ချခဲ့ပြီးတဲ့နောက် ကြာသပတေးနေ့အစောပိုင်းမှာတော့ ရေနံဈေး(၅)လအတွင်းကျဆင်းခဲ့ပြီးတဲ့နောက်မှ အခုလိုဈေးပြန်တက်ခဲ့တာပါ။ ဇူလိုင်အတွက် West Texasဈေးနှုန်းကရေနံတစ်စည်ကို (၁.၁၄)ဒေါ်လာမြင့်တက်ခဲ့ပြီး သြဂုတ်မှာဖြန့်ချိမယ့်ဘရန့်ဈေးနှုန်းမှာတော့ တစ်စည်ကို (၁.၃၄)ဒေါ်လာမြင့်တက်ခဲ့ပါတယ်။ ရေနံတင်သင်္ဘောတွေတိုက်ခိုက်ခံခဲ့ရတဲ့နောက်ကွယ်မှာအီရန်ရှိနေတယ်လို့ အမေရိကန်အစိုးရကစွပ်စွဲထားပေမဲ့ အခြေအမြစ်မရှိတဲ့စွဲချက်တွေလို့ အီရန်နိုင်ငံခြားရေးဝန်ကြီးမိုဟာမက် ဂျာဗက်ဇာရစ်ကတုံ့ပြန်ထားပါတယ်။

 

Related News